Forum

Notifications

Aahiri (Ah) - Comments Thread  

Page 6 / 8
  RSS
jeyakumar131157
(@jeyakumar131157)
Reputable Member

நிறைய விஷயங்களில் தெளிவு கிடைக்கவில்லை. 

“சென்றிருந்தாள், சுட்டிருந்தாள், நடந்திருந்தாள்..,,” என்பதற்கு சென்றாள், சுட்டாள், நடந்தாள் என்று எழுதியிருக்கலாமே!

எழுத்துப்பிழைகள் இருக்கின்றன 

பயண்படுத்தியது (பயன்படுத்தியது)

கண் சிமிட்டிக் கொண்டிருந்து அந்த  அந்த வீடு. (கொண்டிருந்தது அந்த வீடு)

உள்ளை (உள்ளே)

காவல் துரையினர் (துறையினர்)

அந்ந ஆளரவமற்ற இடத்தில்..(அந்த)

வாழ்த்துக்கள்

ReplyQuote
Posted : 23/11/2019 1:48 pm
Yagnya liked
Sudhar
(@sudha-r)
Reputable Member

ஆஹிரி அதற்க்குள் நிறைவு பகுதி வந்துவிட்டதா?  என்று நினைத்து கொண்டே படித்தேன்... 

கதையில் இருந்த அத்தனை புதிர்களுக்கு விடையளித்து விட்டீர்கள். 

கடைசியில் பார்த்தால் ஆஹிரியின் சித்தப்பா தான் அனைத்திற்கும் காரணமா!

அவர் செயல்களுக்கு இப்படி ஒரு காரணமா!  நல்லது செய்ததற்காக குடும்பம் மொத்தத்தையும் பழி வாங்கிவிட்டாரே!

ஆஹிரியின் கனவுக்கான அர்த்தம் இப்போது புரிந்தது. 

கடைசிப்பகுதியில் அரணின் பெயர் நவயுகன் என்று சொல்லிய விதம் அழகு. 

துஜா கிடைத்துவிட்டாள், சாத்வதனுடன் சேர்ந்துவிட்டாள். 

ஆஹிரியும் யுகனுடன் சேர்ந்துவிட்டாள் என்று நிறைவு பகுதியை நன்றாக நிறைவு செய்துள்ளீர்கள். 

ஆஹிரி அழகான கவிதையாக இருந்தது. 

நன்று. 👍 

ReplyQuote
Posted : 24/11/2019 12:10 am
Yagnya liked
jeyakumar131157
(@jeyakumar131157)
Reputable Member

          ஆஹிரி 

ஜே ஜே க்ரூப் கம்பெனி உரிமையாளர்கள், ஜனார்த்தனன், ஜீவரத்தினம். ஜனார்த்தனன் மனைவி நிரூபா. ஜீவரத்தினம் மனைவி வகுளா.  ஜனார்த்தனனின் மகள் ஆஹிரி ஜீவரத்தினம் மகள் துளஜா.

துளஜா போட்டிங் போக ஆசைபடுவதாக சொன்னதும், ஜனார்த்தனன் ஆஹிரியையும் உடன் அழைத்துக் கொண்டு காரில் செல்கிறார். வழியில் அவர்கள் சென்ற வண்டி விபத்துக்குள்ளாகிறது. அதில் ஜனார்த்தனன் கோமாவிற்கு சென்றுவிடுகிறார். ஓட்டுனர் செல்வமும் துளஜாவும் இறந்துவிட்டதாகவும்  துளஜாவின் உடல் கிடைக்கவில்லை என்றும் கூறப்படுகிறது. ஆஹிரி பலத்த காயங்களுடன் சிகிச்சை பெற்று வீடு திரும்புகிறாள். 

 நிரூபாவின் வேண்டுகோளின்படி நிலவூர் என்ற கிராமத்தில் வாழ்ந்து வரும் நவயுகன் என்ற அரண் என்பவனை வரன் காண நிரூபாவும் ஜீவரத்தினமும் ஆஹிரியை அழைத்துச் செல்கின்றனர். அங்கு அரணால் ஆஹிரி கடத்தப்படுகிறாள். 

வனமொன்றில்  மரம் மீது அமைத்திருக்கும் மரவீட்டில் மறைத்து வைக்கப்படுகிறாள். அரண் தனிமையில் இருக்கும் ஆஹிரியிடம் கண்ணியத்துடன் அன்பு காட்டுகிறான்.

துளஜாவின் மரணச்செய்தி அறிந்து உண்மையை அறிந்துக்கொள்ள அவள் காதலன் டாக்டர் சாத்வதன், நவயுகனின் தம்பி ஆஹிரியின் மீது சந்தேகம் கொண்டு அவளைத் தேடி காட்டிற்கு வருகிறான். அவன் அறியாது அவனை தொடர்ந்து வருகின்ற கூலிப்படை ஆஹிரியை கொல்ல முயற்சிக்கிறது. அதிலிருந்து அரண் அவளை காப்பாற்றுகிறான்.

ஒருநாள் சாத்வதனின் துணையுடன், காவலாக இருந்த அரணுக்கு மருந்து கலந்த பானத்தைக் கொடுத்து சாத்வதனுடன், அங்கிருந்த காரை எடுத்துக் கொண்டு தப்பிச் செல்கிறாள். வழியில் ஓட்டுனர் செல்வத்தின் தங்கையை கண்டு அவளை தொடர்ந்து சென்று அவன் வீட்டை கண்டுப்பிடிக்கிறார்கள். செல்வம் கால் துண்டிக்கப்பட்ட நிலையில் படுக்கையில் கிடக்கிறான். நிரூபா பணம் கொடுத்து ஊரைவிட்டு சென்றுவிட கூறியதால் ஒதுக்குப்புறமாக ஒரு வீட்டில் ஒதுங்கி வாழ்வதாகக் கூறுகிறான். அடையாளம் தெரியாத பிணத்தை வைத்து அவன் இறந்து போனதாக செய்தி வெளியாகிறது. அதை யார் செய்தார் என்பதை கண்டுப்பிடிக்க அம்மாவை தொடர்பு கொள்கிறாள்.

ஃபார்ம் ஹவுஸில் இருக்கும் அம்மாவை காணச் செல்கிறாள். அங்கு அம்மா தலையில் இரத்தம் வடிய ஓரறையில் கிடக்கிறாள். அவள் அருகில் சென்ற ஆஹிரியும் தலையில் தாக்கப்படுகிறாள். இறுதியில் அங்கு வருகின்ற அரண் அவர்களை குற்றவாளி ஜீவரத்தினத்திடமிருந்து காப்பாற்றுகிறான்.  

போலிஸ் வருகிறது. ஜீவரத்தினம் கைது செய்யப்படுகிறார். மற்றவர்கள் மருத்துவ மனைக்கு கொண்டு செல்லப்பட்டு சிகிச்சை அளிக்கப்படுகிறது.

துளஜா மரணமடையவில்லை, அஸைலம் வைக்கப்பட்டுள்ளால் என்பதை அறிந்து அங்கு செல்கிறார்கள். 

இறுதியில் காதலர்கள் சாத்வதன், துளஜாவும், ஆஹிரி அரணும் ஒன்று சேர்கிறார்கள்

ஜீவரத்தினம் இவைகளையெல்லாம் செய்வதற்கு கூறப்படுகின்ற காரணம், அவர் ஒரு ஸைக்கோபாத். துளஜா அவருடைய சொந்த மகள் இல்லை என்பதை நிரூபா டைரியிலிருந்து தெரிந்துக் கொள்கிறார். 

ஒரே நாளில் பிரசவத்திற்கு செல்லும் நிரூபாவிற்கு இரட்டை குழந்தைகள் பிறக்கிறது. வகுளாவிற்கு குழந்தை இறந்து பிறக்கிறது.

பல முறை குழந்தைகள் இறந்து பிறந்ததால், வகுளா மயக்கம் தெளிந்ததும் உண்மை அறிந்தால் வேதனை அடைவாள் என்பதை உணர்ந்த நிரூபா தன்னுடைய மகள் துளஜாவை, கணவன் ஜனார்த்தனன் ஒப்புதலுடன் வகுளாவின் மகளாக மாற்றிவிடுகிறாள்.

சொத்துக்காக தான் வஞ்சகமாக பழிவாங்கப்பட்டதாக எண்ணிய ஜீவரத்தினம் அண்ணன் குடும்பத்தை பழி தீர்த்துக் கொள்வதாக கதை செல்கிறது.

ஒவ்வொரு பகுதியின் ஆரம்பத்தில் எழுதப்பட்டுள்ள கவிதை ஒவ்வொன்றும் அழகு.

இயற்கையை வர்ணனை செய்துள்ள விதம் வியக்க வைக்கிறது.

அவள் தங்கியிருந்த அறையையும்  அது அமைக்கப்பட்டிருந்த அழகையும் அங்கு வைக்கப்பட்டுருந்த பொருட்களையும் உடைகளையும் இயற்கை அழகையும் வனத்தின் வனப்பையும் அரணின் செயல்களையும் அவன் நடைமுறைகளையும் பண்பையும் பாவனைகளையும் ஆஹிரியின் செயல்களையும் அவள் சிந்தனை ஓட்டத்தையும்  அவளது கற்பனைகளையும் கனவுகளையும் அழகு தமிழில் அருமையாக வர்ணனை செய்துள்ளார். காட்சிப்படுத்துவதிலும் வெற்றி கண்டுள்ளார், ஆசிரியர்.

 

ஒரு சாதாரண வாசகனாக முதல் முறை படித்த பொழுது கதை முழுமையாக புரியவில்லை. நிகழ்ந்துக் கொண்டிருப்பவைகளையும் நினைவில் இருப்பவைகளையும் மாற்றி மாற்றி எழுதியிருப்பதனால், எனக்கு புரிந்துக் கொள்ள முடியவில்லையோ என்று நானறியேன்.

முதல் பகுதியில் ஆஹிரி உச்சரித்த பெயரான நிஷ்சி, காட்சிப்படுத்தப்படுவதோ கடைசி இரண்டு பகுதிகளில்.

ஒவ்வொரு நிகழ்வுகளும் ஆங்காங்கே துண்டு துண்டாக செருகப்பட்டுள்ளன. ஒருவேளை காணொளி மூலமாக பதிவிடப்பட்டிருந்தால் புரிந்திருக்குமோ?

என்னைப் பொருத்தவரை அதிகமான ஃபிளாஷ் பேக், கதையின் தொடர்ச்சியை சிதறடித்து விட்டதோ என எண்ணத் தோன்றுகிறது. 

குறிப்பாக பகுதி 3(4) பக்கத்திலிருந்து பகுதி 3(5) க்கு செல்லும் பொழுது தொடர்பில்லாமல் நிரூபா, வகுளா என்ற இரு கதாபாத்திரங்கள் வருகின்றன. அவர்கள் யார் என்று முன்னரே வெளிப்படுத்தப்படவில்லை. அதனால் ஒன்றும் புரியாமல் குழப்பம் ஏற்படுகிறது. அவர்களைப் பற்றிய குறிப்பு ஆறாவது பகுதியில் வருகிறது. 

நிகழ்வுகளுக்குள் கதை நகர்ந்துக் கொண்டிருக்கையில் திடீரென ஓரிரண்டு பாராக்களில் நினைவுகளில் கலந்தவைகளை குறிப்பிடுவதால், கதையை தொடர்வதில் எனக்கு மிகுந்த குழப்பம். 

என்னுடைய கருத்தை எழுதுவதற்காக மீண்டும் ஒருமுறை படிக்க வேண்டியதாயிற்று. நான் எத்தனையோ கதைகளை படித்திருக்கிறேன். கதையை புரிந்துக் கொள்வதற்காக மீண்டும் படித்தது, ஆஹிரியைத்தான்.

ஒருவேளை புதினத்திற்கு பதிலாக தொலைக்காட்சி தொடராக இருந்திருந்தால் அசத்தலாக இருந்திருக்கும். விஷூவலில் சிறப்பாக அமைந்திருக்கும் என்று எண்ணுகிறேன்.

அது போன்று, “ என்றுவிட”, “வந்திருந்தாள், ஓடியிருந்தாள், சென்றிருந்தாள்.....” போன்ற சொற்கள் எல்லா வாக்கியங்களிலும் வருகின்றன. சில இடங்களில் அழகாக தோன்றினாலும் தொடர்ந்து வாசிக்கும் போது ஏதோ மாதிரி தெரிகிறது.

”என்று கூறிட” “வந்தாள், ஓடினாள், சென்றாள்....” என்று எழுதியிருக்கலாம் என்பது என்னுடைய கருத்து.

அலங்காரமான வார்த்தைகள், அழகான வாசகங்கள், நல்ல உவமேயங்கள், அருமையான கற்பனைகள் எழுத்தின் வனப்பு மகிழ்ச்சி அளிக்கிறது.

எழுத்துப்பிழைகள் ஆங்காங்கே தெளிவாக தெரிகிறது.

ஆஹிரி பதினெட்டு ஆண்டுகளாக இரத்ததானம் செய்கிறாள் என்றால் அவளுக்கு எத்தனை வயது? இருபது வயது என்று கூறப்பட்டுள்ளது. அப்படியானால் இரண்டுவயதிலிருந்தே இரத்த தானம் செய்கிறாளா?

ஆடைகளை நிறங்களோடு வர்ணிப்பதிலாகட்டும் இயற்கையை எடுத்துரைக்கும் மொழியிலாகட்டும் உங்கள் ஸ்டைல் தனிமையானது.

ஜனார்த்தனன் என்ன ஆனார்?

என்னைப் போன்ற சாதரண வாசகனுக்கு இந்த புதினத்தை ஒரு முறை படித்து புரிந்து கொள்வது கடினம்.

வாழ்த்துக்கள்

         - ஜெயக்குமார் சுந்தரம்

ReplyQuote
Posted : 25/11/2019 1:50 pm
Yagnya liked
Divya Ramalingam
(@divya-ramalingam)
Reputable Member

Epi 2,3 nice . 

முரணாய் ஒரு அரண்!  அவன் அரண் தானா இல்லை வேற யாராவதா?  அவளை எதற்காக கடத்தினான்?போன்ற கேள்விகளோடு நகர்கிறது கதை.  அவன் செயல், அவள் செயல் இரண்டும் வித்தியாசமாய். 

ReplyQuote
Posted : 28/11/2019 6:17 pm
Yagnya liked
Subha_Durainayagam
(@subha_durainayagam)
New Member

என் அன்பு மகள் ப்ரீத்திக்கு, (சொல்லலாம் தானே???)

ஆஹிரி...
தலைப்பிற்கு பஞ்சம் நிலவும் காலத்தில் அருமையான கவிதை போன்ற தலைப்பு வைத்து எதிர்பார்பை அதிகமாக்கியதே முதல் பெரிய வெற்றி. எழுத்து நடை அதற்கு கூடுதலாய் பலம் சேர்த்தது இரண்டாம் வெற்றி. அருமையான கதை களம், குறைவான கதை மாந்தர்கள், விறு விறுப்பான கதை நகர்வு என அமைத்தது அடுத்தடுத்த வெற்றிகள். உள்ளம் நிறைந்த வாழ்த்துக்கள், என் கண்ணம்மா...

இதை சொல்லியே ஆக வேண்டும் ... கதை வாசிப்பதை இடையில் நிறுத்தவே தோன்றாத அளவு சம்பவங்ளை கோர்த்த விதம் மிகவும் அருமை. 2 ஆம் பகுதியில் இருந்து 10 ஆம் பகுதி வரை தொடர்ந்து வாசித்து முடித்தேன். என்ன ஒரு கதை நகர்வு... உனது முதல் கதைக்கும் ஆஹிரிக்கும் மிகப் பெரிய வித்தியாசத்தை உணர்கிறேன். வார்த்தை பிரயோகம், முன், பின் கதை நகர்வில் தெளிவு, எழுத்து நடை எல்லாமே மெருகேறி இருக்கிறது. மிக்க மகிழ்ச்சி. என் உள்ளத்தில் பெருமை பொங்க அனைத்தும் சொல்லிவிட்டேன் என்றே நினைக்கிறேன்.

இத்துடன் ஒரு சிறு திருத்தத்தையும் சொல்லாம் தானே. கோபப்பட மாட்டாய் என்ற நம்பிக்கையில் சொல்கிறேன். எழுத்துப் பிழைகள் பல இடங்களில் பார்க்க முடிகிறது கண்ணம்மா. அதை முடிந்த வரை குறைத்துக் கொள்ள வேண்டும் என்பதை கோரிக்கையாக மட்டுமே கேட்டுக் கொள்கிறேன். பெரிய காரியங்களை எல்லாம் சாதாரணமாக செய்து விட்டு சாதாரணமான காரியத்தில் பின் தங்கி விட கூடாதே என்ற பதற்றத்தில் மட்டுமே இதை சொல்கிறேன். உனது அடுத்த கதையில் எழுத்துப்பிழை உள்ளதா என்று பூதக்கண்ணாடி வைத்து பார்ப்பேன். அதிகம் தவறு இருக்காது என்றே நம்புகிறேன். (கோபப்படாதே மா)

நல்ல ஒரு கதையை எழுதி முடித்தாகி விட்டது. பலரும் பல விதமாக பாராட்டி புகழ்ந்து கருத்துகளை பகிர்ந்து கொள்வார்கள். சந்தோஷமான ஒன்று தான். ஆனால், இனி தான் பொறுப்பும் அதிகரிக்கும். எடுத்து வைக்கும் ஒவ்வொரு அடியும் முன்பை விட அழுத்தமாக வைத்தால் மட்டுமே தடம் பதிக்க முடியும். நீ யாருடனும் போட்டியிட்டு வெல்ல வேண்டியதில்லை. உனக்கு நீயே போட்டியாளர் என்பதை மட்டும் எண்ணதில் கொள். உனது ஒவ்வொரு படைப்பையும் அடுத்த படைப்பால் வெற்றிக்கொள்.

மேலும் மேலும் உனது திறமைகள் மெருகேறி எழுத்தாளர்கள் உலகில் உனக்கென தனியிடம் பெற்று உன் வாழ்வு மேன்மையுற வாழ்த்துக்கள், எழுத்தாளர் யஞ்ஞா.

This post was modified 3 months ago by Subha_Durainayagam
ReplyQuote
Posted : 30/11/2019 11:20 pm
Yagnya liked
Divya Ramalingam
(@divya-ramalingam)
Reputable Member

Epi 4,5,6 nice. 

Thuji character was so cute. சாத்வதன் கதாபாத்திரமும்  அருமை. துஜி உயிருடன் இருக்கிறாளா?அவளுக்கு என்ன  ஆனது என்ற கேள்விகளுடன் நகர்கிறது கதை. 

ReplyQuote
Posted : 02/12/2019 2:24 pm
Yagnya liked
Divya Ramalingam
(@divya-ramalingam)
Reputable Member

எபி 7,8,9 நைஸ். 

சாத்வதன் துஜி இருவருக்குமான உறவு அருமை. அவர்கள் முதல் சந்திப்பும் அவர்கள் நட்பான விதமும் நன்று .

சாத்வதனும் அரணும் சகோரதரர்கள் என்பது நைஸ் ட்விஸ்ட் .

ஆஹிரி  உயிருக்கு ஆபத்து,  அவளை காப்பாற்றவே அரண் அவளை கடத்தியிருக்கிறான் என்றும்,அவளுக்கு பழைய விஷயங்கள் சிலது நினைவில் இல்லை என்றும் தெரிகிறது. அவளுக்கு யாரால் ஆபத்து?  அவளின் இந்த நிலைக்கு யார் காரணம்,துஜி என்ன ஆனாள் போன்ற கேள்விகளோடு பரபரப்பாக நகர்கிறது கதை. 

This post was modified 3 months ago by Divya Ramalingam
ReplyQuote
Posted : 02/12/2019 3:07 pm
Yagnya liked
Divya Ramalingam
(@divya-ramalingam)
Reputable Member

Epi 10,11,12 nice sis. 

ஆஹரியே தன் முயற்சியால் குற்றவாளியை கண்டுபிடித்ததும், அவள் நினைவுகளை மீட்டதும், அவளுக்கு துணையாய் அரணும் (நவனும்), வதனும்  உதவியது நன்று. 

எல்லா முடிச்சிற்க்கும் தெளிவு கடைசி எபியில் கிடைத்தது. நன்று. 

 

ReplyQuote
Posted : 02/12/2019 8:03 pm
Yagnya liked
Sudhar
(@sudha-r)
Reputable Member

ஆஹிரி

கரு - கதாநாயகன்  அரணால் கடத்தப்படுகிறாள் கதாநாயகி ஆஹிரி. 
கார் விபத்திற்கு பிறகு தான்  இங்கு இருக்கிறோம் என்று தெரிகின்றது.  வேறு எதுவும் அவளுக்கு சரியாக புலப்படவில்லை.  ஆஹிரிக்கு முழுவதும் நினைவு வந்து....  யார் அந்த கார் விபத்தை ஏற்படுத்தினார்கள்?  அரண் ஏன் கடத்தினான்?  அவளது குடும்பத்தை கண்டுபிடித்தல்...  என்பதனை அழகாக பல...  புதிர்களோடு சொல்லும் கதை. 

 

ஆஹிரியின் அறிமுகமே அசத்தலாக தொடங்குகின்றது கதை. அவள் ஒரு அழகான மரவீட்டில் கட்டுக்குள் நடுவே இருக்கின்றாள்.  யாரோ அவளை சிறை வைத்திருக்கின்றார்கள் என்று புரிய அங்கிருந்து தப்பித்து செல்கிறாள். 

நீரோடையில் விழ போகும் அவளை அரண் காப்பாற்றி மீண்டும் மரவீட்டிலே சிறை வைக்கின்றான்.அடிபட்ட காயத்துக்கு மருந்திடுகின்றான். 10 வருடங்களாக அவளுக்காக காத்திருப்பதாக சொல்லுகின்றான். 

ஆஹிரி பெரிய கம்பனியின்   ஓனர் ஜனார்த்தனன் மகள்.  அவளது தாய் நிருபா. சித்தப்பா ஜீவரத்தினம் சித்தி வகுளாஅவர்களது மகள் துளஜா.  பாசமிகு சகோரிகள்.

கார் விபத்துக்கு பிறகு தன் இங்கு இருக்கின்றனர் என்று புரிகின்றது. அனால் ஏன் எப்படி என்று மட்டும் புரியவில்லை?  அரண் சில நேரங்களில் கோபமாகவும் இருக்கின்றான்..  பாசமாகவும் இருக்கின்றான்...

ஆஹிரிக்கு திடீரென்று கண்ணாடியில் அடிபட்ட பறவை ஒன்று ரத்தத்தோடு விழுவதும் போலவும்...  கண்ணாடி பெட்டிக்குள் அடைப்பட்டு அந்த கண்ணாடியின் விரிசல் விட்டு கீழே விழப்போவது போலவும்... பயங்கரமாக தோன்றவும் மயங்கி சரிகின்றாள்.

துஜீ... துஜீ ...என்று உருகி அழுகிறாள். பல சமயம் இதெல்லாம் கனவா? இல்லை நினைவா? என்று அவளே குழம்புகின்றாள்.  அந்த சமயத்தில் எல்லாம் அரண் உற்ற துணையாக உடன் இருக்கின்றான். 

அரணை சந்திக்க சாத்வதன்  வருகின்றான்.  அவன்தான் துஜியின் காதலன் என்று தெரிகின்றது.  துஜியை ஆஹிரி தான்  ஏதோ செய்துவிட்டதாக வதன் நினைக்க...  இல்லை... என்று அந்த கார் விபத்தை பற்றி கூறுகிறாள்.

துஜியின் உடல் கிடைக்கவில்லை...  டிரைவர் இறந்துவிட்டானென்று சொல்வதற்குள் அவர்களை யாரோ சுடுகின்றனர். அவர்களிடம் இருந்து தப்பித்து வேறொரு வீட்டிற்கு செல்கின்றனர்.டிரைவர் இறக்கவில்லை என்பது அவளுக்கு நினைவு வருகின்றது. 

சத்வதனும் அரணும் அன்னான் தம்பி என்று உண்மை தெரிகின்றது. 

அரணும் ஆஹரியும் காதல் கொள்கின்றனர்.  இந்த நிலையில்,  அரணுக்கு மயக்க மருந்து கொடுத்து அவனை விட்டு வதனுடன் வெளியேறுகிறாள்.

அவர்களை    கொலை செய்ய ஒரு கும்பல் துரத்திக்கொண்டு இருக்கையில், டிரைவரை கண்டுபிடிக்கின்றனர்... கண்டுபிடித்து விசாரித்ததில் அனைத்திற்கும் அவளது தாய்  நிருபா  தான்  காரணம்  என்கின்றான். 

ஏதோ சிறிது உண்மை புலப்பட,      தனது பண்ணை வீட்டுக்கு தனியாக செல்கின்றாள் ஆஹிரி.      நிருபா  அடிபட்டு கிடக்க இவளும் தாக்கப்படுகின்றாள்.  அனைத்திற்கும் காரணம்  சித்தப்பா என்று தெரியவருகின்றது.

சித்தி வகுளாவிற்கு குழந்தை இறந்து பிறந்ததால், இரட்டையராக பிறந்த ஆஹிரி- துளஜாவை   குழந்தை இல்லாமல் தவிக்கும் வகுளாவின் குழந்தையாக...  துளஜாவை  இடம் மாற்றுகின்றனர் . 

இந்த உண்மையை தெரிந்து கொண்ட ஜீவரத்தினம் அனைவரையும் தவறாக நினைத்து பழிவாங்குகின்றார். 

அண்ணன்,  துஜீ, ஆஹிரி சென்ற காரை விபத்துக்குள்ளாக்கினார்.     அண்ணன் கோமாவில்.... ஆஹிரி விபத்திற்கு பிறகு உண்மையெது?  பொய்யெது?  என்று தெரியாமல்...  நினைவு திரும்ப விடாமல்...  அவளை பைத்தியமாக்க...  பலவற்றை செய்திருக்கின்றார்.

 சைக்கோவாக மாறியுள்ளார்.  அரண் அவரிடம் இருந்து இவர்களை காப்பாற்றுகிறான். 

அரண் தனது தாய் தனக்காக பார்த்த மாப்பிள்ளை நவயுகன் என்பதும், ஆஹிரியை பாதுகாக்க நிருபா சொல்லியே கடத்தி சென்று இருக்கின்றான் என்பதும் தெரியவருகின்றது. 

  துளஜா அஸைலிமில்    இருந்து உயிரோடு கிடைத்துவிட., 

சாத்வதன்  - துஜியும் நவயுகனும் - ஆஹிரியும் ஒன்று சேருகின்றனர்.  கதையும் நிறைவடைகின்றது.

வார்த்தைகள்    ஒவ்வொன்றையும் வர்ணித்தவிதம் .  காட்சிகளை கண்முன் கொண்டு வந்து நிறுத்திய விதம்.. . அருமையாக இருந்தது. 

கவிதைகளை ரசித்துபடித்தேன். 

அடுத்தது என்ன என்று யூகிக்க முடியாத விதம் கதையை நகர்த்தியது சிறப்பு.  

ஒவ்வொரு பகுதியிலும் பல கேள்விகள் என்னுள் இருந்தது. இவை அனைத்தையும் ஒரே....   புள்ளியில் இணைத்து இறுதியாக விடையளித்து விதம் வித்தியாசமாக....  சுவாரசியமாக.... இருந்தது

ஆஹிரி அழகான வார்த்தைகளின் கோர்வையை கொண்ட கதை. 

 

 

ReplyQuote
Posted : 05/01/2020 2:27 am
Yagnya liked
Divya Ramalingam
(@divya-ramalingam)
Reputable Member
ஆஹிரி 
 
ஹீரோ  - அரண்
ஹீரோயின் - ஆஹிரி 
 
அடர்ந்த காட்டுக்குள்  ஒரு மரவீட்டில் சிறை வைக்கப்படுகிறாள் ஆஹிரி. அவளை கடத்தியது முரணாய் ஒரு அரண் . அவன்  எதற்காக  ஆஹரியை கடத்தினான்? 
 
இதற்கிடையில் ஆஹிரியின் தங்கை துஜி விபத்தில் இறந்துவிட்டதாக கூறப்படுகிறது.  ஆனால்  உண்மையில் அவள்  இறந்துவிட்டாளா அல்லது  உயிருடன் இருக்கிறாளா? அவளை தேடி வரும் அவள் காதலன் சாத்வதன் நிலை என்ன ? 
  
அரணின் சிறையில் இருக்கும் ஆஹிரியை கொல்ல சிலர் முயல்கிறார்கள். அவள்  உயிருக்கு ஆபத்து இருக்கிறது. அத்துடன்   அவளுக்கு பழைய விஷயங்கள் சிலது நினைவில் இல்லை. அவளின்  இந்த நிலைக்கு காரணம் யார்? அவளுக்கு பழைய விஷயங்கள் நினைவுக்கு வருகிறதா?  அவள் உயிருக்கு யாரால் ஆபத்து? போன்ற கேள்விகளுடன் பரப்பரபாக நகர்கிறது கதை. 
 
அரண், ஆஹிரி  இருவர் கதாபாத்திரமும்  அழகு.
 
சாத்வதன் துஜி இருவருக்குமான உறவு அருமை. 
 
அழகான எழுத்து நடை சிஸ் . ஆஹிரி இருந்த இடம்,  மரவீடு,காடு என்று  ஒவ்வொன்றையும் காட்ச்சிப்படுத்திய விதம் அருமை. 
 
கதையில் சில இடங்களில் தான் குழப்பமாக இருந்தது சிஸ். படித்து புரிந்து கொள்ள சற்று சிரமமாக இருந்தது  எனக்கு. 
 
சாத்வதன், துஜி இருவரின் முதல் சந்திப்பில், ஆபத்தில் இருந்த ஒரு பெண்ணை துஜி காப்பாற்ற முயல,  அவளை  தாக்கினார்கள்.  அந்த பெண் யார்? அவளுக்கு  என்ன  ஆனது?  யார் அவர்கள்  என்று தெளிவாக  தெரியவில்லை. 
 
மொத்தத்தில் ஆஹிரி கவிதையாய் !
 
போட்டியில் வெற்றி பெற வாழ்த்துக்கள் யஞ்ஞா சிஸ். 
 
 
ReplyQuote
Posted : 07/01/2020 10:04 pm
Yagnya liked
Yagnya
(@yagnya)
Trusted Member
Posted by: @jeyakumar131157

வசனங்களும் வார்த்தைகளும் அழகாக உள்ளன. நடக்கின்ற காரியங்கள் மர்மங்களுக்குள் அழைத்துச்செல்லுகின்றன. 

அரண் யார்? எதற்காக ஆஹிரியை கடத்தினான்? சாத்வதன் எப்படி அந்த காட்டுக்குள் வந்தான்? ஆஹிரி பதினெட்டு ஆண்டுகளாக இரத்ததானம் செய்கிறாள் என்றால் அவளுக்கு எத்தனை வயது? அவர்களை காட்டுக்குள் துரத்துவது யார்? ஆஹிரியின் சித்தப்பா இதற்கு பின்னால் இருக்கிறாரா?

விரைவில் முடிச்சுகள் அவிழ்க்கப்படும்.....

அழகாக ஆஹிரி  நடைபோட வாழ்த்துக்கள் 

 

Thanksss alottt pa!!!! 😊  Ella knot ayum clear pannittennu ninaikkaren. 

ஆஹிரி பதினெட்டு வயசில இருந்து ப்ளட் டோனேட் செய்யறானுதான் அரண் வதன்கிட்ட சொல்லுவான்ப்பா. 😊 

ReplyQuote
Posted : 08/01/2020 2:05 pm
Yagnya
(@yagnya)
Trusted Member
Posted by: @sudha-r

யார் இவர்களை துரத்துகிறார்கள்?  தப்பிப்பதற்காக அவர்கள் செல்லும் வழி, அந்த வீடு வர்ணித்த விதம் நன்று.

ஆஹிரிக்கு இப்போ கொஞ்சம் நினைவு வந்து, ஆஹான் என்கிறாள். முழுவதும் புரியவில்லை. கதை பல புதிர்களை கொண்டுள்ளது...

 நன்று.... 

Thanksss alottt pa!!!! 😊 

ReplyQuote
Posted : 08/01/2020 2:07 pm
Yagnya
(@yagnya)
Trusted Member
Posted by: @malli-ravi

akkavum thankaiyum annaavukkum thampikkum. kathaiyai thik thik enru nalla suvaarashyamaa kondu poreengal. aduththa update ikku aavaludan waiting....

Thanksss alottt ma!!!! 😍 🤗 

ReplyQuote
Posted : 08/01/2020 2:08 pm
Yagnya
(@yagnya)
Trusted Member
Posted by: @sudha-r

சாத்வதன் துளஜாவின் பிளாஷ் பேக் சொல்லிவிட்டீர்கள். 

அதில் லஹரிக்கு வதன் கூறிய அறிவுரைகள் அருமை.

கார் டிரைவர் இறக்கவில்லை உயிரோடு தான் இருக்கிறார் என்று ஆஹிரி கூறுகிறாள். 

விரைவில் இதில் உள்ள புதிரை கண்டுபிப்பார்கள் என்று தெரிகின்றது.

வதனும் - அரணும் சகோதரர்கள் என்று இன்னொரு முடிச்சை அவிழ்த்துவிட்டீர்கள். 

கதை நன்று....  அதிலும்,  முதலில் வரும் கவிதை அருமை.... 

Thanksss alottt ma!!!! Kavithai... Plan seyyala flow oda vanthathu..ungalukku pidichathula me happy!!!! 🤗 😍 

ReplyQuote
Posted : 08/01/2020 2:10 pm
Yagnya
(@yagnya)
Trusted Member
Posted by: @kannamma

துஜா வதனின் காதல் நினைவுகள்❤❤

துஜாவைக் கொல்ல ஏற்கனவே முயற்சி நடந்திருக்கும் போது இன்னும் கொஞ்சம் கவனமாக இருந்திருக்கலாம் வதன்.. 

அரணும் வதனும் சகோதரர்களா😱😱

Yesss!! Vanthan innum konjam gavama irunthirukkalam... Antha situation la.. avan santhicha Thuja kku threat irukkumnu avan nenache pathirukka maattan pola.  Thanksss alottt ma!!!! 😍 

ReplyQuote
Posted : 08/01/2020 2:15 pm
Page 6 / 8
Share:
Advertisements