மேக வீதியில் வான் நிலா – தமிழினி

மேகவீதியில் வான் நிலா !!

நாயகன்:மதிநந்தன்
நாயகி : தேனிலா

              முன்னோட்டம்

“அப்பா நீங்களே அவனிடம் சொல்லுங்கள்.. எனக்கு இதை பற்றி மறுபடியும் அவனிடம்
பேச பயமாக இருக்கு..”என்றார் கலையரசி..

தில்லைநாயகமோ”என்னம்மா!  பெற்றவள் நீயே பயந்தால் நான் என்ன செய்ய முடியும்.. உன் பேச்சையாவது ஒரு நிமிடம் காது கொடுத்து கேட்பான்.. நான் சொன்னால் காதிலேயே வாங்கி கொள்ள மாட்டான்..”

“ஆமாம்! நான் சொல்லும் போது எல்லாம் கேட்காமல் …தந்தை இல்லா பையன் அந்த ஏக்கம்  அவனுக்கு வரக்கூடாது ..என்று என் வாயை அடைத்து நன்றாக செல்லம் கொடுத்தீர்கள்.. அதன் விளைவு இப்போது நாம் அனுபவிக்கிறோம்..”

“என்னம்மா செய்யா அப்போது சரியாக பட்டது இப்போது தவறாக படுகிறது.. முடிந்ததை பேசி என்னாகப் போகிறது.. நடப்பதை பார்ப்போம்..
யானைக்கு யார் மணி கட்டுவது அதை யோசி..”

அப்பாவும்,மகளும் இப்படி பேசிக்கொண்டு இருக்கும் போதே.. அவர்களின் எண்ணத்தின் நாயகன் மதிநந்தன்…  மாடிப்படிகளை இரண்டு இரண்டு படிகளாக தாவி தன் வேக நடையுடன் அவர்களிடம் வந்தான்..

ஆறடிக்கும் குறையாத உயரம், மாநிறம்…உடற்பயிற்சியில் முறுக்கேறிய சதை பற்றில்லாத தேகம்..அலை..அலையான கேசம்..அழுத்தமான நெற்றி..வில் போன்ற வளைவான புருவம்.. எதிராளியை எளிதாக எடை போடும் கூர்மையான கண்கள்..
நேரான நாசி.. அழுத்தமான உதடுகள்.. பார்பவர்களை எளிதில் வசீகரிக்கும் தோற்றம்..அதுவும் அன்று  மெரூன் நிற முழுக்கை சட்டையும்,ஆஃப் வொய்ட் பேண்ட்டும் அவனை இன்னும் ஆண்அழகனாக காட்டியது..

எப்போதும் போல் பெற்றவள் மகனின் கம்பீரமான அழகை கண் குளிர கண்டவர்.. பெருமை பொங்க மகனை விழி எடுக்காது பார்த்தவர்.. தன் கண்ணே பட்டு விடக்கூடாது என்று மனதிற்குள் நினைத்துக் கொண்டு அவனுக்கு  சாப்பிட உணவை எடுத்து வைக்க சாப்பாட்டு மேஜையை நோக்கி சென்றார்..

தாத்தா தில்லைநாயகம்.. தன் பேரனின் கம்பீரத்தில் மெய்மறந்து நின்றார்..

பேரனோ தன் அம்மாவையும்,தாத்தாவையும் யோசனையாக பார்த்தபடி சாப்பிட சென்றான்..

சாப்பிட்டு முடியும் வரை யாரும் எதுவும் பேசவில்லை..அதுவே மதிநந்தனுக்கு  யோசனையாக இருந்தது..இல்லை என்றால் தொழிலை பற்றி தாத்தா கேட்காமல் இருக்க மாட்டார்..என்ன தான் முழு பொறுப்பையும் அவனிடம் தந்து விட்டாலும் அவர் தலையீடு இல்லாமல் மதிநந்தனால் சிலதை தனித்து செய்ய முடியாது.. இன்னும் அவர் சேர்மன் பொறுப்பில் தான் இருக்கிறார்..  அவன் மேனேஜிங் டைரக்டர் மட்டுமே..ஆனால்  அவரின் இந்த அமைதி அவனை குழப்பியது…

சாப்பிட்டு முடித்ததுடன் எழுந்தவனை “ஒரு நிமிடம் உட்காருப்பா ..உன் அம்மா உன்னிடம் ஏதோ முக்கியமான விசயம் பேசவேண்டுமாம்..” என்று கூறினார் தில்லைநாயகம்..

அவன் யோசனையாக தாயை பார்க்க அவரோ தன் அப்பாவை பார்த்துக் கொண்டே “மதி இன்று மாலை கொஞ்சம் சீக்கிரம் வாப்பா..இன்று உனக்கு பெண்பார்க்க போகலாம் என்று முடிவு செய்து பெண் வீட்டில் மாலை வருவதாக வாக்கு கொடுத்து விட்டோம்..” என்று கூற.. . அவர்கள் எதிர்பார்த்த படியே..

மதிநந்தன் தன் அமர்ந்த நாற்காலியில் இருந்து வேகமாக எழுந்தவன் “யாரை கேட்டு முடிவு செய்தீர்கள்.. உங்களிடம் எத்தனை முறை சொல்லிவிட்டேன் எனக்கு இப்போது திருமணம் வேண்டாம் என்று.. முதலில் அவர்களுக்கு  மாலை வரமுடியாது என்று  தகவல் சொல்லுங்கள்..” என்றவன் அத்துடன் பேச்சு முடிந்தது போல் செல்ல திரும்பியவனை …

“இப்போது  திருமணம் வேண்டாம் என்றால் எப்போது செய்து கொள்வதாக உத்தேசம்.. உனக்கு வயது ஒன்றும் குறைந்து கொண்டே வரவில்லை இப்பொழுதே 27ஆகிறது.. இப்போது திருமணம் செய்யாமல் கிழவன் ஆனபின்பா செய்ய போகிறாய் ..”என்று என்றும் இல்லாமல் கலையரசியும் கோபமாக பேசுவதை பார்த்த தில்லைநாயகம் மகளை அமைதியாக இருக்க சொல்ல..

அதற்கும் கோபபட்ட கலையரசி” எல்லாம் நீங்கள் கொடுக்கும் இடம்.. அது தான் பெற்றவளை மதிக்காமல் இப்படி பேச வைக்கிறது..” என்று கூறிய தாயை அமைதியாக பார்த்த மதிநந்தனுக்கு என்றும் இல்லாமல் இன்று இப்படி பிடிவாதமாக பேசும் தாயை எப்படி சமாளிப்பது.. என்று குழப்பம் தான் மேலோங்கியது..

“அம்மா இப்போது உங்களுக்கு என்ன தான் வேண்டும்..என் மீது இருக்கும் கோபத்தை எதற்கு தாத்தா மீது காட்டுகிறீர்கள்..” என்றான்..

“எனக்கு யார் மீதும் கோபம் இல்லை உன்னால் மாலை வரமுடியுமா..? முடியாதா..?”

“ஓகே ..நான் வருகிறேன் ஆனால் ஒரு கண்டீசன் …இந்த பெண்ணை பிடிக்கவில்லை என்றால்? அப்புறம் நானாக சொல்லும் வரை என் திருமணத்தை பற்றி நீங்கள் பேசக்கூடாது அப்படி என்றால் வருகிறேன்..”என்றவனை யோசனையாக பார்த்த படி “சரி ..”என்றார் கலையரசி…

அத்துடன் பேச்சு முடிந்தது போல் அவன் இருவரிடமும் சின்ன தலைஅசைப்புடன் அலுவலகம் கிளம்பி சென்றான்.. மனதில் இருந்த கோபத்தை எல்லாம் கார் ஓட்டுவதில் காட்டியவன் ..மனதிற்குள் ஒரு திட்டம் தீட்டியபடி அலுவலகத்தை நோக்கி விரைந்தான்….

அவன் கிளம்பி சென்ற பின் மகளிடம் “என்னம்மா அவன் இப்படி ஒரு குண்டை தூக்கி  போட்டு போகிறான்..நீயும் சரியென்று வாக்கு கொடுத்து விட்டாயே! மாலை அந்த பெண்ணை பிடிக்கவில்லை என்று சொல்லிவிட்டால் என்ன செய்வது..” என்று புலம்பிய தந்தையிடம்..

“அப்பா அப்படி எல்லாம் நடக்காது.. அவன் இந்த பெண்ணை வேண்டாம் என்று சொல்ல மாட்டான் ..பெண் அத்தனை அழகு.. எனக்கு நம்பிக்கை இருக்கு…நல்லதே நடக்கும் நீங்கள் தைரியமாக இருங்கள் ..”என்று தந்தையை சமாதானப் படுத்தினார்…கலையரசி

**************************************************

“அம்மா பிளீஸ்மா எனக்கு இப்போது இந்த கல்யாணம் வேண்டாம்..” என்று காலையில் இருந்து ஆயிரமாவது தடவையாக ஓப்பித்த தன் மகளை சாதரணமாக பார்த்தார் மாதவி..

“அக்கா ஏன்! கல்யாணம் வேண்டாம் என்கிறாய் நீ முதலில் பண்ணினால் தானே அடுத்து நான் பண்ண முடியும்.. மாப்பிள்ளை போட்டாவில் சும்மா எப்படி இருக்கிறார் தெரியுமா ..அவரை போய் வேண்டாம் என்கிறாய்..நீ முதலில் போட்டாவை பார் அப்புறம் வேண்டாம் என்றே சொல்லமாட்டாய்..”

“ஏய் ! உனக்கு அவசரம் என்றால் நீயே அவரை பண்ணிக் கொள் எனக்கு ஒன்றும் ஆட்சேபனை இல்லை..”

“நான் எப்படி பண்ணமுடியும்.. அது தான் எனக்கு முன்னால் முந்திரி கொட்டையாக நீ பிறந்து இருக்கிறாயே..” என்று சோகமாக சொன்ன தன் அன்பு தங்கையை பார்த்து அவளுக்கு சிரிப்பு. தான் வந்தது..

  மாதவியோ “அய்யோ இரண்டும் இரண்டு விதம் இதுகளை எப்படி கரை சேர்ப்பேனோ..?” என்று புலம்ப..

அதை கேட்டுக் கொண்டே உள்ளே வந்த மாதவியின் மாமியார் கோதை  “எதற்கு உனக்கு அந்த கவலை தங்க விக்கரகமாக இரண்டு பெண்களை பெற்று வைத்து இருக்கிறாய்..நீ வேண்டுமானால் பார் ராஜாவாட்ட மாப்பிள்ளை வந்து கொத்திட்டு போகப் போகிறார்கள்..” என்றார்..

“பாட்டி நாங்கள் ஒன்றும் கோழி இல்லை.. எங்களை கொத்திக் கொண்டு போக ..”என்ற மலரை பார்த்து “இந்த சின்ன வாண்டுக்கு வாய் தான் கொஞ்சம் அதிகம் ..”என்று நொடித்துக் கொண்டார்..

“ஆனால் பெரியவளை பார் இருக்குமிடம் தெரிகிறதா.. “என்றவரிடம்..

“ம்ம் உன் அருமை பெரிய பேத்திக்கு தான் இப்போது திருமணம் வேண்டாமாம் ..”என்ற மலரை கேள்வியாக பார்த்த கோதை…

  சமையல் மேடையில் தலைகுனிந்து  அமர்ந்திருந்த பெரிய பேத்தியிடம் சென்றவர் அவள் தலையை அன்பொழுக தடவியபடி..
“தேனு என்னைப் பார் ..”என்று அவள் தலையை நிமிர்த்தியவர் பேத்தியின் கண்களில் மின்னிய கண்ணீரை கண்டு திகைத்து. ..”என்ன பெத்த ராசாத்தி ..என்னடாம்மா ஆச்சு.. ஏன்டா தங்கம் கண்ணுல  கண்ணீர்.. உன் அப்பன் பார்த்தா உயிரையே விட்டுறுவானே தங்கம்..”என்றவரின் சத்தத்தில் தான் மாதவிக்குமே மனதில் பயம் வந்து ஓட்டிக் கொண்டது…

இத்தனை நேரம் மகள் ஏதோ புரியாமல் திருமணம் வேண்டாம் என்று சொல்கிறாள் என்று நினைத்தார்..எல்லாவற்றிற்கும் தந்தையை தேடுபவள் இன்று மட்டும் தன்னிடம். வந்ததது ஏன் என்ற சந்தேகம் மாதவியின் மனதில் வளுத்தது..

***************************************************
மாலை ஆகாயவண்ண பட்டுப்புடவை உடுத்தி இடைவரை தளரபின்னிய கூந்தலில் சரம் சரமாக குண்டு மல்லியை வைத்து…
கல் செட் ஆரமும் அதற்கு பொருத்தமாக  ஜிமிக்கியும் ஒரு கரத்தில் கல் வளையலும் ..மறு கரத்தில் சாதாரண டைட்டன் வாட்ச்ம் அணிந்து.. அளவான ஓப்பனையில் சின்ன பொட்டிட்டு  மகளை நிமிர்த்தி பார்த்த  மாதவிக்கு தங்க பதுமையாக, அழகு தேவைதையாக.. மின்னிய மகளின் அழகு மனதிற்குள் பெருமையை தந்தது..

அப்போது அறைக்குள் நுழைந்த தங்கை பனிமலர் “வாவ் என் கண்ணே பட்டுவிடும் போல் இருக்கும்மா…இத்தனை எளிமையான அலங்காரத்திலேயே அக்கா ஜொலிக்கிறாள்..வானத்து தேவதை போல்.. இன்னைக்கு மாப்பிள்ளை கிளீன் போல்ட்..” என்ற தங்கையை ஆதங்கத்துடன் பார்த்தாள் தேனிலா..

மாதவி சிரித்துக் கொண்டே மகளை திஷ்டி கழிக்கும் போது” மாப்பிள்ளை வீட்டில் இருந்து வந்தாச்சு ..”என்று தந்தை மணிமாறனின் சத்தம் பெரிய மகளின் வயிற்றில் புளியை கரைத்தது..

பனிமலரும்,மாதவியும் அவர்களை வரவேற்க சென்றனர்.. தேனிலாவோ அப்படியே ஓய்ந்து போய் அமர்ந்தாள்..

சிறிது நேரத்தில்  அவளை அழைத்து செல்ல மாதவி வர… பலியாடு போல் அவள் பின்னே சென்றவளின் கைகளில் காபி கோப்பையை கோதை  தர ..குனிந்த தலையை நிமிராமல் அனைவருக்கும் தந்தவள் மீண்டும் தன் அறைக்குள் அடைக்கலமானால்..

**************************************************

அந்த அறையையே  தன் உயர்த்தால் சின்னதாக்கி கொண்டு நின்றவனை பார்த்தவளுக்கு மனதில் பயம் வந்தாலும்..சற்று முன் தன் செல்ல தங்கை வந்து மாப்பிள்ளை உன்னுடன் தனியாக பேச வேண்டுமாம்.. என்று சொன்னதில் இருந்து மனதில் உரு போட்டு வைத்து இருந்ததை எப்படியாவது சொல்லி விட வேண்டும் என்று முடிவு  எடுத்தாள்…

அவனை பார்த்ததும் இவள் எழுந்து நிற்க.. அவனோ அசால்டாக வந்து அங்கு இருந்த நாற்காலியில் கால் மேல் கால் போட்டு அமர்ந்தான்..

அவளோ அவன் பேசும் முன்  தான் சொல்ல வேண்டியதை  சொல்லி விட வேண்டும் என்று நினைத்தவள்.. “வந்து நீங்கள் ஏதோ என்னிடம் பேச வேண்டும் என்று சொன்னீர்களாமா..அதற்கு முன் நான் உங்களிடம் ஒன்று சொல்ல வேண்டும்..நான் ரொம்ப நல்ல பெண்ணெல்லாம் கிடையாது..என்னிடம் நிறைய குறைகள் இருக்கிறது.. உங்களுக்கும், உங்கள் குடும்பத்திற்கும் நான் சரியாக இருப்பேன் என்று எனக்கு தோன்றவில்லை..
என்னை பிடிக்கவில்லை என்று நீங்களே கூறி இந்த திருமணத்தை நிறுத்தி விடுங்கள்..
தயவுசெய்து உங்களை வரவழைத்து அவமானப்படுத்துகிறேன் என்று தவறாக நினைக்க வேண்டாம்.. “என்று மெளனராக பட சாயலில் கூறியவளை விழி எடுக்காது பார்த்தவன்..

“சொல்ல வேண்டியது எல்லாம் சொல்லி முடிச்சாச்சா..” என்று நிதானமாக கேட்டபடி நாற்காலியில் இருந்து எழுந்தவன் அவளை நோக்கி ஓவ்வொரு அடியாக எடுத்து வைத்து நகர்ந்தான்…

*************************

 

 

 

 

 

 

Advertisements