மன்னவன் பேரைச் சொல்லி மல்லிகை சூடிக் கொண்டேன் 5

விழா முடியவும் அன்றில் பக்க உறவினர்கள் எல்லோரும் வெவ்வேறு  வாகனங்களில் கிளம்ப…..

ஆதிக்கும் அன்றிலும் அவர்களுடைய காரிலேயே கிளம்புவதாக ஏற்பாடு…. கூட ஆராதனா  மற்றும் பிஜு …

இவர்கள் அனைவரும் கார் அருகில் வர

“மச்சான் நான் வேணா ட்ரைவ் பண்றனே….” என  வேண்டுகோள் வைத்தான் பிஜு….

“டேய் பஜ்ஜி லாஸ்ட் 7 மாசமும் அவங்கதான்டா எனக்கு கார் ட்ரைவ் பண்ணிட்டு இருக்காங்க…” என  இடையிட்டாள் அன்றில்.

அப்போதுதான் அன்றிலுக்காக மெல்ல ட்ரைவ் செய்ய வேண்டும் என பிஜு இப்படி கேட்டிருக்கிறான்  என ஆரதனாவுக்கு புரிந்தது…

அதற்குள்  அன்றில் “ஆரம்பமே 140 லாம் அப்போ…..இப்பல்லாம் எப்பவுமே 100க்கு மேல போகவே மாட்டாங்க…… அதுவும் இப்போ 40தான் லிமிட்” என பிஜுவிற்கு ஒரு விளக்கம் கொடுத்தவள்….

கூடவே “என்னப்பா” என சலுகையும் பாராட்டுமாய் கேட்டபடி அருகிலிருந்த ஆதிக்கின் தோளில் கை வைத்து சற்றாய் சாய்ந்து கொண்டாள்…

“மாப்பு நான் கால்ல விழுற கதையெல்லாம் இப்ப எதுக்கு பப்ளிக்ல  இழுக்க….”  என கிண்டலடித்தபடி  ஆதிக் இப்போது காரின் ட்ரைவர் இருக்கையில் சென்று அமர…

“மச்சான் இதெல்லாம் நான் இழுத்துவிட்டுதான் தெரியனுமா…? எப்பவும் உள்ளதுதானே….”  என நக்கலடித்தபடி அன்றிலுக்கு ஆதிக் பக்கம் அமர காரின் கதவை திறந்துவிட்ட பிஜு…

“ஆனாலும் இந்த 100 அ நம்பவே முடியல  மச்சான்….. இந்த அனிக்கு  எப்பவுமே அறிவு கிடையாதே….அப்றம் எப்படி இப்டி….?  வெறும் 140….இதெல்லாம் ஒரு ஸ்பீடான்னு ஏத்திவிடுவாளே?”  என்றபடி அன்றிலுக்கு நேர் பின் இருக்கையில் அமர்ந்தான்…

திரும்பி அவன் தலையில் நச்சென ஒரு குட்டு வைத்தாள் அன்றில்….  “எனக்காடா அறிவு கிடையாது,….. உன் கூட சேர்ந்துதான் இல்லாம போயிருக்கும்….”

“ஆக மொத்தம் எப்படியும் இல்லதானே…” இது பிஜு…..

இப்போது மறுபடியும் பின் புறம் திரும்பி இவன் தலையில் ஒன்று வைத்தாள் அன்றில்….

இதுவரைக்கும் குறும்பும் கேலியுமே முகபாவமாய் இருந்த பிஜுவின் முகம் சட்டென அக்கறையும் அது சார்ந்த கோபமுமாய் மாறுவதை கவனித்தாள் அவனுக்கு அடுத்த இருக்கையில் அமர்ந்திருந்த ஆராதனா…

அப்போதுதான் தான் அவன் ஒவ்வொரு அசைவுகளையும் எப்படி கவனித்துக் கொண்டிருக்கிறோம் என்பதே இவளுக்கு புரிகிறது…

“ப்ச்….. இப்டி வெடுக் வெடுக்குனு திரும்பாத கழுத….” அன்றிலை அதட்டிய பிஜு…..ஆராதனாவிடம் திரும்பி

“ நீ சொல்லு ராதி இப்டில்லாம் செய்யக் கூடாதுன்னு” என இவளிடம் ரெக்கமென்டேஷனுக்கு வந்தான்…

பிஜுவுடன் பேசத் துவங்கியதிலிருந்து அவனை கவனித்திருந்த ஆராதனாவுக்கு இவளிடம் ஏதோ வெகுவாய் பழகிய உறவு போல் பிஜு  பேசிப் பழகுவதைவிடயும் கூட,

அன்றிலிடம் மட்டும்  கிண்டலும் வாரலும் உரிமையும் உள்ளார்ந்த அன்பும் உச்சத்தில் வைத்துப் பேசிப் பழகுவதாய் படுகிறது…..

இந்த காரியம் அவளுக்கு மிக மிகவுமே பிடித்தும் இருக்கிறது….

ஒரு கணம் இவளிடமும் கூட அவன் அப்படி பழகினால் நன்றாக இருக்குமே என ஒரு ஏக்கம் தோன்ற…..

மானசீகமாக தன் தலையில் தானே குட்டிக் கொண்டவள்….

பிறந்ததில் இருந்து அவங்க ஃப்ரெண்ட்ஸ் அந்த உறவ ஒரு நாள்  பழக்கத்துல இவ எதிர்பர்த்தா எப்படியாம்…என தனக்குள் தெளிந்து முடிக்கும் போது…

முன்னிருக்கையிலிருந்த அன்றில் அரையும் குறையுமாய் திரும்பி இவள் முகத்தைப் பார்த்துக் கொண்டிருந்தாளாகில்….

அடுத்திருந்த பிஜுவோ முழுதாகவே திரும்பி இவள் முகம் பார்த்துக் கொண்டிருந்தான்…

அன்றில் முகத்தில்  ஒருவிதமான புன்னகை இடம் பிடித்திருக்கிறது என்றால்….. பிஜுவோ  ஏத்தி இறக்கிய புருவங்களாலே என்னாச்சு என்றான் கேள்வியாய்….

மெல்ல உறைக்கிறது இவளுக்கு…இவட்ட அவன் எதோ கேட்டான்…..இவளோ கனவு கண்டுட்டு இருந்திருக்கா…

அடுத்த அவளது முழியில் அன்றில் ஒருவித  சிறு சிரிப்புடன் முன் புறமாய் திரும்பிக் கொள்ள….

“கைனக்காலஜி படிக்கலைனா பரவாயில்ல…” என்றான் பிஜுவோ… ‘அதுக்காக இப்படி முழிக்காதன்னு அர்த்தமா?’ அவன் சொல்ல வந்ததின் அர்த்தத்தை இப்படி புரிந்து கொண்டாள் இவள்.

எதோ ஒன்று சிலீரென கொட்டி வைத்தது இவளுக்குள்…. தேன் கொடுக்குகள் மனவெளியில்…..

இத்தனை நேர இவளுடனான பிஜுவின் உரையாடலில் அன்யோன்யம், அழகான உரிமை எல்லாம் இருந்தாலும் இது நிச்சயம் வேறு வகை…. இவளோட பார்வைய ஹேண்டில் செய்ய முடியலைனு சொல்றானே….. இதை எப்படி எடுக்கவாம்?

ஆனால் இந்த புரிதலின் அடுத்த நொடியே அளவில்லாத வகையில் சட்டென மிரண்டு போனாள் அவள்…

ஏதோ வகையில் பிஜுவுடன் ஒரு இலகுநிலை உறவிருந்திருக்கலாம் எனதான்  அந்த உப்மா தினத்திலிருந்து இவள் ஏங்கிக் கொள்வது……ஆனால் அதைத் தாண்டி எதையும் இவள் யோசித்ததே இல்லை….

(ஆத்தீ…. அப்படின்னா வெறும் சும்மா ஃப்ரெண்டா இருக்றதுக்காகவா அவன் உப்மா கிண்டுணதெல்லாம் போய் ஆராய்ச்சி செய்துட்டு இருந்த?)

இதில் இப்போது இவள் மனம் அவன் வகையில் எத்தகைய உறவை எதிர்பார்க்கிறது என்பது அவளுக்கு சற்றாய் புரிபடுகிறது (ஓஹோ பல்ப் வாங்குறதுல இருக்ற ஸ்பீடு பொண்ணுக்கு பல்ப் எரியுறதுல கிடையாது போல)….

அரண்டு போனாள் இவள்…. ஆனால் சற்று நேரத்துக்கெல்லாம் ‘இது ஜஸ்ட்ட அட்ராக்க்ஷன்… சரியா போய்டும்’ என்றவிதமாய் தன்னை தேற்றியும் கொண்டாள்…

படிச்சுகிட்டு இருக்ற காலத்துல இப்படி வர்ற நினைப்பை மதிக்க இவளுக்கே பிடிக்கவில்லை…

‘இஞ்சினியரிங்கோ மத்ததோ எடுத்து படிச்சிருந்தா இப்ப படிச்சு முடிச்சுருப்பியே….. அப்படின்னா மெடிசின் எடுத்ததால மட்டும் மேரேஜபத்தி யோசிக்க தெரியாத சின்ன பொண்ணா போய்ட்டியோ’ என உள்ளுக்குள் ஒன்று முறுக்கினாலும்,

இவள் முடிவுதான் இவளுக்கு நியாயமாக பட்டது….

அடுத்த பக்கம்

8 comments

  1. Achagacho! Ponnu ku theriyama elaruma serndhu scheming panranganu bulb vangura raani ku bulb erinjurichu 😀 Ini iruku aaru oda aatam, waitingggggggg

  2. Hi mam

    என்ன நடக்குது,பெரியவர்கள் பிஜுவுக்கும் ஆராதனாவுக்கும் திருமணம் ஏதாவது பேசி வைத்துள்ளனரா.

    நன்றி

Leave a Reply