பின்னூட்டம்

இது எனது தொடர்கதைகள், சிறுகதைகள், கவிதைகள் மற்றும் கட்டுரைகள் பற்றிய உங்களது கருத்துக்கள் , பார்வைகள், மற்றும் ரிவ்யூஃஸிற்கான ஸ்தலம். பதிந்து பகிர உங்கள் ஒவ்வொருவரையும் வரவேற்கிறேன்.

 

30 comments

  1. intha epi semma kala kala, antha drone .black coat ,as usual hero saving heroine ok ,wt about te other one ,avalaiyum yaaraavathu thanni vittu thookinaangalaa illaiyaa ,summave ponnu payanthu irunthathu .

  2. Hi Anna sweety, read your ANPE. What a phenomenal writing!! I dont know how i missed yours all these days. Your writing both content wise and quality wise was just fantastic. The dialogues, characters and the story plot everything was just too perfect. Such a thrilling love story with some historical and paranormal traces and served as a complete package, want to quote many dialogues, if i start would take the whole day i guess, but want to say enjoyed every single bit of the story. Will be looking forward for your forthcoming ones. Best wishes.

    1. Hi Lakshmi,
      May I know what is ANPE? Your comment is wonderful. When I read ‘Kaniyatho Kadhalenbadhu’ I too was enthralled by Anna Sweety’s writing and searched if I could get any more book of hers and got to read Ennai Thanden Verodu’ . That too was phonomenal. Please let me know what is ANPE and where can I get it.

      1. Thanks a lot Uma sis…. ANPE stands for அதில் நாயகன் பேர் எழுது novel. as it is under publication it’s mot available online time being…. Book will be published soon… <3

  3. ANPE I was searching this in chilzee for a long time. Suddenly I saw your new blog and finished the last episode which I missed in chilzee. Very nice story line and appreciate your sincere efforts towards the historical parts of the story. I completed your novels in chilzee already now I am very happy that I can read your new novels in your blog. I like your short stories also. Comedy kalandha writing. I like it very much. Best wishes. Thodaratum ungal ezhuthu pani.

  4. Hi Anna,
    How can I get to read the earlier parts of Mannavan perai solli malligai soodi konden? I cannot find them. I am new to this site. I found Kadhal Veliyidai’s previous updates but not this one. Please help. And also can I get to read any more of your previous novels? I have read two books of yours, Kaniyadho Kadhalenbadhu and Ennai thanden verodu. Absolutely loved them.

    1. Hi Uma sis,

      Thank you so much for all your wonderful encouraging words… <3 <3 <3 <3

      https://annasweetynovels.com/2017/09/12/%E0%AE%AE%E0%AE%A9%E0%AF%8D%E0%AE%A9%E0%AE%B5%E0%AE%A9%E0%AF%8D-%E0%AE%AA%E0%AF%87%E0%AE%B0%E0%AF%88-%E0%AE%9A%E0%AF%8A%E0%AE%B2%E0%AF%8D%E0%AE%B2%E0%AE%BF-%E0%AE%AE%E0%AE%B2%E0%AF%8D%E0%AE%B2/

      mannavan perai solli mallikai soodik konden….previous episodes are available in this link..

      padichutu sollunga 🙂 🙂

  5. Kalaila irundhu KV21st epi ku aavala wait panite iruken ma’am, seekrama oru lengthy, happy ever after signify panra epi seekrame update panidungalen pleassssse??? 🙂

  6. என் பதின்ம வயதில் முதன் முதலாக நான் படித்த நாவல் ரமணிசந்திரன் அவர்களின் “இராமன் தேடிய சீதை”
    அன்று முதல் அன்னா ஸ்வீட்டியின் கதைகளை படிக்கும் முன்பு வரை ரமணி சந்திரனின் தீவிர ரசிகை நான். எங்கள் ஊரின் நூலகத்தில் உள்ள அனைத்து நாவல்கள், வெளியூர் பயணத்தில் கணவரிடம் அடம் பிடித்து வாங்கி சேர்த்த நாவல்கள், இணையத்தில் இருந்து தரவிறக்கம் செய்த நாவல்கள், இரவல் நாவல்கள் என என் நாவல்கள் உலகத்தின்( சுமார் 2000 நாவல்கள்) முடி சூடிய இராணி ரமணி சந்திரன் தான்( ஸ்வீட்டியின் கதைகளைப் படிக்கும் வரை, தற்போது ஸ்வீட்டி மட்டுமே ) கல்கி, சாண்டில்யன், சுஜாதா, இராஜேஷ் குமார், வைரமுத்து, லஷ்மி, அருணா நந்தினி, காஞ்சனா ஜெயதிலகர் ஆகியோர் என் அபிமான எழுத்தாளர்கள். ஆனால் கதை என்று ஒரு துண்டுக்காகிதம் கிடைத்தாலும் படிக்கும் ஜாதி நான்.
    இப்படியாக இருந்து வந்த என்னை அன்னா ஸ்வீட்டி என்றொரு சுனாமி அடித்து, சுருட்டிக் கொண்டு போய் ஸ்வீட்டியின் சாக்லேட் கடலில் தள்ளிவிட்டது. அதென்னவோ தெரியவில்லை ஸ்வீட்டியின் கதைகளைப் படித்து விட்டு வேறு கதைகளைப் படித்தால், தேனை சுவைத்த உடனே பருகும் காப்பியைப் போல் சற்று இனிப்புக்குறைவாகவே தோன்றுகிறது.
    முதல் காரணம் ஸ்வீட்டியின் அனைத்து கதைகளிலும் திருமணத்திற்கு முன் நாயகன் நாயகி இடையே உள்ள உறவு நிலை தான். எந்த நிலையிலும் திருமணத்திற்குப் பிறகு தான் ஒரு பெண்ணின் மீது முழுமையான உரிமை அவளது ஆணுக்கு என்பதில் அவர் உறுதியாக இருக்கிறார். எனக்கு அவரிடம் மிகவும் பிடித்தது இது தான்.
    மற்ற எழுத்தாளர்கள் நிதர்சனத்தை எழுதிய போதும், பதின்ம வயது பெண்ணிடம் நாவல்கள் என்ற வகையில் ஸ்வீட்டியின் அனைத்து நாவல்களையும் பரிசாகக் கொடுக்கலாம். சமுதாயத்தின் ஒரு முழுமையான பெண்ணாக அவள் பரிணமிப்பாள் என்பதில் ஐயமில்லை.
    கதைகளுக்கான களங்கள், கரு, பெயர்கள், வர்ணனைகள் ஆங்காங்கே வரும் கவிதைகள் என அனைத்திலும் ஸ்வீட்டியின் தனித்தன்மையைக் கண்டு நான் வியந்து போகிறேன். அவரின் பெயர் இல்லாமல் கதையை மட்டும் படித்தாலும் முதல் பக்கத்திலேயே அது ஸ்வீட்டியின் கதை என்று கண்டு கொள்ளலாம்.
    முக நூல் வரும் வரை எவ்வளவு அருமையான நாவல்கள் படித்தாலும் அதன் சிறப்பை என் இதயம் கனிந்தவர்களிடம் வாய் வார்த்தையாக சொன்னதுண்டே தவிர அவ்வெழுத்தாளர்களிடம் என் மனதைப் பகிர்ந்ததில்லை. இது முக நூலில் என்னுடைய முதல் சுய பதிவு. என் மனம் வென்ற ஸ்வீட்டிக்கு என்னுடைய வாழ்த்துக்கள்! வாழ்க வளமுடன்! வளர்க உங்கள் எழுத்துக்கள்!!!
    -Ganga Devi

  7. ஹாய் ஸ்வீட்டி,
    உங்களோட ரெண்டு கதை படிச்சேன். ‘பால் வண்ணம் பருவம் கண்டு’ மற்றும் ‘என்னை தந்தேன் வேரோடு’.

    இத்தனை நாளா லைப்ரரியில் உங்க புக்கை பார்த்தும் எடுக்காமல் வந்தேன். இவ்வளவு பெருசா அப்படின்னு புக் சைஸ் பார்த்து மிரண்டு போய் தான். ஹா ஹா ஹா. படிக்கும் ஆர்வத்தில் புக்கை இடது கையால் தூக்கி வச்சு படிச்சுடுவேன். ஏற்கனவே என்னோட இடது wrist வீங்கி இருக்கும். அதனால வலி வந்துடும். அது தான் உங்க கதையை இது நாள் வரை படிக்கலை. பவியோட விமர்சனம் பார்த்த பின் என்ன ஆனாலும் பரவாயில்லை என்று எடுத்துட்டு வந்து படிச்சேன்.

    கதையிலே flow நல்லா இருந்தால் மட்டுமே readers அந்த கதையை கடைசி வரைக்கும் படிப்பாங்க. ரெண்டு கதையிலும் flow ரொம்ப நல்லா இருந்துச்சு.

    பால் வண்ணம் பருவம் கண்டு… அந்த கதையிலே… ரேயா தான் மூத்த பெண் என நினைத்து ஆதிக் செய்யும் குளறுபடிகள்… அந்த இடத்துல வரும் டயலாக்ஸ்… முதலில் படிக்கும் போது அவன் நிஜமாகவே ஷாலுவை தான் லவ் பண்ணினானோ…. அப்படின்னு நினைக்க வச்சது. அதே சமயம் மொத்த கதையும் படிச்ச பிறகு திரும்ப படிக்கும் போது அவன் பேசின அனைத்தும் சரியாய் ரேயாவிற்கு பொருந்திப் போனது. இது தான் ஒரு ரைட்டரோட வெற்றின்னு நான் சொல்லுவேன்.

    நிறைய பேர் அந்த இடத்துல தப்பு பண்ணுவாங்க. ரீடர்ஸ்க்கு விஷயம் தெரியக் கூடாது என்பதற்காக அவங்க இஷ்டத்துக்கு டயலாக் எழுதிடுவாங்க. ஆனால் சஸ்பென்ஸ் எல்லாம் தெரிஞ்ச பிறகு அதை படிச்சு பார்த்தால்… அபத்தமா தெரியும். You have penned those dialogues in a perfect way.

    Keep rocking. All the Best to your future works.

    Prema

  8. எங்களின் மனம் கொய்த மனோஹரியே !

    உனது கதைகளில் காதல் பின்னது உலகு !

    நாயகன் நாயகியின் காதல் வெளியிடை எங்களை களிப்பில் திளைக்கச் செய்கிறது !

    நாயகியர் முதலில் நாயகர்களை ,”உன் உணர்வு காதலாம் பைங்கிளி ” என்று பஞ்சமில்லாமல் கெஞ்சி கொஞ்ச வைப்பர் !

    பின்னர் மூங்கிலிலே பாட்டிசைக்கும் காற்றலை போல்,காற்றாய் வந்து இசையாய் மாறிடுவர் நாயகியர்.

    பிறகென்ன ,மன்னவன் பேரை சொல்லி மல்லிகை சூடிக்கொண்டு ,இன்பம் என்னும் பேரை அவர்கள் வாழ்விலும் நம் இதயத்திலும் எழுதுவர்!

    கதா பாத்திரங்கள் ஒவ்வொருவரும் நகல் நிலா !

    உனது அர்த்தத்த்தமுள்ள ஆஆஆஆழந்ந்ந்த கருத்துக்களால் எங்களின் மன,ஜீவ வெளிகளில் நனைகின்றது நதியின் கரை !.

    உனது மொழி ஆளுமை தனை கருத்துச் செறிவு தனை படிக்கும் போது வரும் இதமான பதமான ,மென்மையான வலிய உணர்வுதனை எப்படி சொல்வேன் வெண்ணிலவே !

    உன்அடுத்த கதையிலும் கனியாதோ காதல் என்பது!

    அதி்லும் அன்பெனும் நாயகன் பேர் எழுது!

    உன் ஒழுக்கச் செறிவு நிறைந்த படைப்பிற்கு என்னை தந்தேன் வேரோடு !

    காற்றாக நான் வருவேன் என்று கூறி வந்தன உன் படைப்புகள் .ஆனால் ஜீவன் நிறைக்கும் ஸ்வாசம் போல் மாறிவிட்டன!!!

    நிறையட்டும் நிறைய ஜீவன்கள்!!!

    – சிவரஞ்சனி

  9. Hi sweety h r u?
    Ungala fb post parthathum nenga sonna Ella novelum padikka asai but link illai eppadi padipathu ma.
    Link irunthal share pannuga pls.

    or PDF kudukka mudinthal s.sasi2610@gmail.com share pannuga I never share with anybody plsssss

    Unga novel katru veliyedai & ennaithaenthen than then verify thavira edhuvum paditha thellai( pal nila paruvam kandu,kadhal thendral)epo thaikku mudinthal share pannuga ma

    Then pls share ur novel list

  10. Hai sis…

    உங்க கதையில நான் வாசிக்கிற முதல் கதை காதலாம் பைங்கிளி தான்…

    அழகா எழுதியிருக்கிங்க..
    எந்த இடத்துலயுமே இதை ஏன் இவ்ளோ நீளமா இழுக்கறாங்கனு தோணாத அளவுக்கு சுவாரஸ்யமா போகுது கதை…
    மூணு நாள டைம் கெடைக்கறப்பலாம் உங்க கதைதான் படிச்சேன்….

    விசாகன் வாணி
    அழகான ஜோடி…
    அன்பான அறிவான வாணிக்கு…
    அவசரப்படற ஆனா சொன்னா புரிஞ்சுக்கற அன்புக்கு ஏங்கற விசாகன்…
    அதுவும் கொடுக்காபுளிக்கு கிளிக்குஞ்சுனு சொல்றது செம்ம காம்பினேசன்….
    ஜாதி பிரச்னையால் வர்ற பாதிப்பை கொஞ்சம் காட்டி..
    மது அருந்துவதால சுயநினைவை இழந்து வாழ்க்கையவே தொலைக்க இருந்ததையும் அழகா சொல்லி இருக்கிங்க…

    மீரட் கிருபா
    எனக்கு ரொம்ப பிடிச்ச மாதிரி வர்றாங்க…
    வெறும் கௌரவ பாத்திரமா மட்டும் அவங்கள காட்டிருக்கிங்க..
    அதனால கண்டிப்பா மீரட் கிருபாக்கு தனியா ஸ்டோரி தாங்க…
    கிக்குமா கிக்குனு தில்லாலங்கடி ஜெயம்ரவிதான் தோணுச்சு இவங்க. கேரக்டர்க்கு…

    கதைக்கு லைக் கமெண்ட்லாம் அங்க பண்ண தெரியல…
    அதான் பதிவாவே போட்டுட்டேன்…
    நான் முதன்முதலா அருமை அற்புதம்கறத விட்டுட்டு பண்ற பெரிய கமெண்ட் இதான்..
    அதனால. எதாச்சும் தப்பிருந்தாலும் அதை விட்டுட்டு நல்லதை மட்டும் எடுத்துகங்க…

    பி.கு…
    . மீரட் கிருபா திரும்ப வருவாங்கனா மட்டும்தான் சாக்லெட் உங்களுக்கு…
    இல்லனா பூ மட்டும்தான்…

  11. காதலாம் பைங்கிளி

    இந்த கதை முழுதுமே ரொம்ப இனிமையான பயணம்.

    .தலைப்பை நியாயப்படுத்தி, காதலை அழகாக சித்தரித்து,

    நாயகன் நாயகி இருவருக்கும் சமநிலை கொடுத்து,

    அதிலும் குறிப்பாக

    “அதத்தான்டி காதல்னு சொல்றாங்க, நான் கொஞ்சம் கொஞ்சமா நீயாவும், நீ கொஞ்சம் கொஞ்சமா நானாவும் மாறிடுறதுதான் காதலாம்” அவன் நெற்றி முட்ட,

    இந்த வரியில் அது அத்தனை தெளிவாக அழுத்தமாக சொல்லப்படிருக்கிறது.

    திருமணம்/காதல் இதில் சிறு சிறு அன்பின் செயல்கள் சேட்டைகள் கூட அழகிய நினைவுகளாக பதியும் என அவ்வளவு அழகா சொல்லி இருக்கீங்க.

    கண்டிப்பா இது இளம்வயது வாசகர்களிடம் ஒரு நேர்மறை தாக்கத்தை (positive influence ) ஐதான் கொடுக்கும். நேரான சிந்தனையை தூண்டும். impressed by ur writing style..

    ஜாதீயம் பத்தி கொண்டு வந்துருக்கீங்க. நம்ம வாழ்க்கையில் எப்படி அதை கையாள்கிறோம் என வட இந்திய நிலையோடு சேர்த்து அழகா சொல்லி இருக்கீங்க.

    தென்னிந்தியாவில் என்னதான் நாம் (வடநாட்டைவிட) பரந்த மனத்தோடு நடந்து கொண்டாலும் திருமணம் என வரும்போது ஜாதி என்ற ஒரு விஷயம் எவ்வளவு முக்கியத்துவபடுத்தப் படுகிறதுன்னு வாணி அப்பா கருணாகரன் வழியா சொல்லி இருக்கீங்க,

    அவங்க அப்பா வாணியை நல்லா பார்த்துக்கிறது, அவங்க வியூஃஸ் எல்லாம் wowநு இருக்கும், ஆனாலும் கல்யாணம் என வந்தால் எப்படின்னு… யதார்த்தத்தை தொட்டு நாடகத்தனம் இல்லாம அழகா ஒரு நாவல்க்கு இருக்க கூடிய அத்தனை குவாலிட்டீசோடும் எழுதி இருக்கீங்க.

    அதோடு இந்த நாவலை நான் குடும்பத்தோடு வாசித்திருக்கிறேன்.

    நாயகனின் காதல் மற்றும் ரொமன்ஸ் எதுவுமே இயல்பா கொண்டு போய் எந்த வயதினரும் இயல்பாவே ஏத்துக்கிற மாதிரி கொண்டு போயிருக்கீங்க அக்கா.

    thats something unique about you

    எந்த இடத்திலும் முகம் சுழிக்கிற ஒரு ஃபீல் இல்லாம பேரெண்ட்ஸ் கூட

    Discuss செய்த்து கூட உண்டு எல்லா காட்சிகளையுமே.

    எல்லாத்துக்கும் மேல சிரிப்புக்கு பஞ்சம் இல்லாம,

    குடும்பத்துக்கு முக்கியத்துவம், சக மனிதனை மதிப்பது, குடிப் பழக்கம் உடல் நலத்தை கெடுக்கும்னு சொல்றதவிட அதில் நம்ம செல்ஃஃப்ப தொலைச்சுடுவோம்னு எளிதா புரிய வைக்கிறது really does the needful…

    அதோட வடஇந்தியாவில் ஜாதீயத்தால் மக்கள் பாடுபடுறாங்க அப்படின்னு மேலோட்டமா இல்லாம நல்ல ஆழமா கதையோட கொண்டு போயிருக்கீங்க. அது ஒரு கண்திறப்பு தான்.

    double oppression theme ஐயும் கொண்டு வந்து இப்படி நிறைய நிறைய விஷயங்கள் தினசரி வாழ்க்கைக்கு guideபண்ற மாதிரி சொன்னது வாவ்தான். <3

    மீரட் விசாகன் கண்டிப்பா man of dreams தான். சேட்டை, அன்பு, தன்னோட துணையை அவங்க கிட்டயே அவங்கள விட்டு கொடுக்காம

    understanding concept எப்படி முக்கியம்னு இன்னைக்கு உள்ளவங்களுக்கு கண்டிப்பா அந்த importance உங்க கேரக்டர்ஃஸ் வழியா சொல்லி இருக்கீங்க.

    இப்படி நிறைய…

    Keep going.. kudos.. God bless akka <3

    இப்படி நிறைய படைப்புகள் படைக்க வாழ்த்துக்கள்...

    - ஜாய்

  12. காதலாம் பைங்கிளி
    எல்லோரும் கதைக்கு நடுவே சஸ்பென்ஸ் வைப்பாங்க. வழக்கம்போல சஸ்பென்ஸ்க்கு நடுவே கதையைத் தந்திருக்கிறார் எழுத்தாளர். இவரது முந்தைய கதைகளின் அனுபவத்தால், இவர் கதைகள் முடிவடைய முதல் படிப்பதில்லை என்று நான் எடுத்திருந்த தீர்மானத்துக்கு என்னையே பாராட்டிக் கொண்டேன். ஏனெனில் கதை முடிகின்ற தறுவாய் வரை அத்தனை கேள்விகள் முடியை பிய்ச்சிக்க சொன்னது.

    வாழ்க்கையில் சுவாரஸ்யங்களையும் புதிது புதிதான அனுபவங்களையும் எதிர்பார்க்கும் நாயகி கிருபா. கலகல இவள் குறும்புகள் கதையின் சிரிப்புப் பக்கங்கள். தனது வீட்டு பாதுகாப்பை தானே உடைக்க இவள் படும்பாடு. ஹா ஹா ஹா. அதேசமயம் இவள் பரந்த மனது, பொது சேவைகள் அடடா போட வைத்தன. அதே நேரம் இவள் மற்றவர்களிடம் பல்பு வாங்கும் இடங்கள் மிகுந்த ரசனைக்குரியவை.

    கிருபாவின் விருப்பங்கள் அறிந்து அவளை குறி வைத்து அவளைப் பின் தொடரும் மீரட். இவன் தான் கிருபாவின் நாயகன். என்னடா இது இப்படி ஒரு பெயர்? என்று யோசித்ததற்கு பின்னால் இருந்த காரண காரியங்கள் மனதுக்குள் ஒரு வலியோடு சேர்த்து வியக்க வைத்தன.

    மீரட்டின் அன்பான பெற்றோர், சகோதரர்கள் அவர்களின் பாசத்தால் நெகிழ வைக்கிறார்கள். மீரட்டின் அன்னை ஸாரா மகனுக்காக தன்னை மாற்றிக் கொள்வதும் அவன் மீதான அக்கறையும் தாய்மையின் பூரிப்புக்கு மற்றுமொரு எடுத்துக்காட்டு.

    கதைக்குள் கதையாக உருவெடுக்கும் விசாகன் – வாணி ஜோடி எப்படி இணைந்தார்கள்? எப்படி பிரிந்தார்கள்? மறுபடியும் எப்படி சேர்வார்கள்? என்ற பல கேள்விகளைத் தாங்கி கடைசிவரை ஒரு எதிர்பார்ப்புடன் படிக்க வைத்தனர்.

    விசாகன் ஒரு உண்மைக் கதாபாத்திரம் எனும் போது அவனின் வாழ்க்கையைப் பற்றி அறியும் போது அவனின் அன்பிற்கான ஏக்கத்தை உணரும் போது இப்படி ஒரு நிலை எந்த மகனுக்கும் நேர்ந்திடக் கூடாது என மனம் பரிதவிக்கிறது. அவனின் சுய முயற்சியில் அவன் தன்னை நெறிப்படுத்தி உயர்ச்சியாய் வாழ்வதில் சிறந்த ஆண்மகன் என்று நிரூபிக்கிறான்.

    வாணி ஒரு அழகான பாத்திரப் படைப்பு. கோபமாயினும் சரி, அன்பாயினும் சரி, அந்தந்த எல்லையோடு அவள் பழகும் விதம், பிரச்சினைகளைப் பேசித் தீர்ப்பது, உரிய விளக்கங்களோடு அன்பால் தவறுகளைத் திருத்த முனைவது, தான் செய்தது தவறு என்று தெரிந்தால் தயங்காது மன்னிப்பு கேட்பது என்று மனதை கவரும் ஒரு ஜீவன்.

    மீரட் கிருபாவை குறி வைப்பது எதற்கு? மீரட்டுக்கும் விசாகனுக்கும் என்ன தொடர்பு? வாணி விசாகன் எப்படி பிரிந்தார்கள்? என்ற மண்டை வெடிக்கும் மிகப் பெரும் கேள்விகளுடன், நரிக்குறவர் பற்றிய செய்திகள், வட இந்தியாவின் சில பழக்க வழக்கங்கள், பூலான்தேவி முதலானோர் எப்படியான தருணத்தில் உருவானார்கள், என்று இன்னும் பல சமூக தகவல்களைஆங்காங்கே தெரிவித்து கதையை நகர்த்திய விதம் அருமை.

    ஒரு அழகான சஸ்பென்ஸ் நாவலைத் தந்து எங்களை மண்டை காய வைத்ததற்கு மிக்க நன்றிகள் அன்னா ஸ்வீட்டி அக்கா. மேலும் பல படைப்புகளால் எங்களை மகிழ்விக்க மனமார்ந்த வாழ்த்துக்கள்.

    என்றும் அன்புடன்

    யாழ் சத்யா.

  13. காதலாம் பைங்கிளி ரிவ்யூ ( என் பார்வையில்):

    கதை:
    ஜாதி என்ற ஒரு பிரச்சினையால் மிகவும் மோசமாக பாதிக்கப்படும் இரு நாயகர்களின் வாழ்வில் வரும் இரு பெண்களின் தன்னலமற்ற அன்பினால் அவர்களின் வாழ்வு அழகாக மாறுவதை அழகான காதல் பின்னணியில் பின்னப்பட்ட பின்னி பெடலெடுக்கும் கதை.

    துள்ளலும் துடிப்புமாக இளமை போக்குடன் மஜாவாக ஆரம்பித்து மெது மெதுவாக அதன் தீவிரத்துள் பல திருப்பங்களுடன்,சுவாரஸ்யமாக , சிறிதும் லயம் குறையாமல் பயணித்து,நம்மை இருக்கை நுனியிலேயே வைத்திருந்து, நம் நகங்களை பதம் பார்த்துவிடும் நேர்த்தியான நயமான கதை நகர்வு.

    கதை நிறைவடையும் போது நம் மனதில் முழு நிறைவையும் அனைவரும் சிந்தித்து ஏற்றுக்கொள்ளும் வகையில் ஒரு நிறைவான கருத்தினையும் அழுத்தமாக பதிவு செய்துள்ளது.

    சமூக நல்லிணக்கத்திற்கு சவாலாகவும் மக்களின் உணர்வுடன் கலந்துவிட்டதாகவும் உள்ளது ஜாதியம்.இதனை கதையில் கையாள்வதும் சவாலான விஷயமே.அதனை மிக அழகாக கையாண்டு, ஜாதியத்தின் தீவிரமான மோசமான விளைவுகளை அழுத்தம் திருத்தமாக பதிவு செய்த அதே வேலையில் கதையின் கிரேஸ் எந்த இடத்திலும் அணு அளவும் குறையவில்லை.இது அவரது தனித்துவம்.எழுத்து திறமையின் உச்சம் தொடும் இடமாக எனக்கு தோன்றும்.

    மொழி பிரயோகம்:

    ” இதை நான் சொல்லியே ஆகணும்,இதுக்கு முன்னாடி இவ்ளோ அழகை யாராச்சும் பார்த்திருப்பாங்களா தெரில.இப்போ நான் பார்க்கறேன்.நீ அவ்ளோ அழகு ” இப்படி இவங்க மொழிக்கு வாரணம் ஆயிரம் சூர்யா ஸ்டைல்ல தான் ப்ரொபோஸ் செய்யணும்,அதுவே ரொம்ப குறைவுதான் என்னளவில்.
    நான் எப்போவும் சொல்றதுதான்.உணர்வுகளைவிட அதை வர்ணிக்கும் மொழி அவ்ளோ அழகா இருக்கும்.நீங்க ஏற்கனவே காதல் என்ற உணர்வை கடந்து வந்தவரா இருந்தா இவங்க மொழில காதலை படிச்சப்பறம் மீண்டும் காதலுக்குள்ள பயணிக்கும் போது முன்னை விடவும் ரசனையா உணர்வீங்க அதே உணர்வை.இது காதல்னு இல்ல.எல்லா உணர்வுக்கும் பொருந்தும்.

    அழகியல்:

    நாயகன் நாயகிக்கு இடையில் உள்ள காதல்னு மட்டும் இல்ல.அம்மா பையன்,அக்கா தம்பி,நண்பர்கள்,குழந்தை etc,இப்டி எந்த உறவா இருந்தாலும் அவங்களுக்கு இடையில் உள்ள இணக்கம்,இழைவு , உறவை இன்னும் பலமாக்கும் அவங்க குடுத்துக்குற இடைவெளி இதெல்லாம் படிக்க படிக்க திகட்டாது.அவ்ளோ ரசனையா கட்டமைச்சிருப்பாங்க. நானும் என்னை சுத்தி இருக்கறவங்ககிட்ட இப்டி ஒரு அழகான உறவு நிலையை ஏற்படுத்திக்கணும்னு ஒரு உத்வேகத்தைக் கொடுக்கும்.படிக்கறவங்க தன்னை சுத்தி உள்ளவர்களை நல்லா நடத்தணும்னு மனசுல விதைக்கிற எந்த ஒரு படைப்பும் ஆகச்சிறந்த படைப்பே.இதுதான் சமூக மாற்றத்தின் முதல் படி.அந்த வகையில் இந்த படைப்பு ஆகச்சிறந்த படைப்பு என்பதில் எள்ளளவும் ஐயமில்லை.

    வாழ்வியல்:

    கருத்து சொல்றேன்னு அட்வைஸ்லாம் எங்கயும் இருக்காது.கதையோடவே இழைஞ்ச மாதிரி நம் அன்றாட வாழ்க்கைக்கு தேவையான ,சின்னதும் பெருசுமான அத்தனை வாழ்வியல் விழுமியங்களும் இருக்கும்.நம்மையும் அறியாமை நமக்குள்ள ஒரு ஆரோக்யமான மனநிலையை கட்டமைக்கும் இவரோட எல்லா படைப்புகளுமே.

    காதல்:

    காதல் ரொம்ப அழகான விஷயம்.அதை ரொம்ப தப்பா புரிஞ்சுக்கறதாலதான் சமூகத்துல நிறைய பிரச்சனைகள் தீராம இருக்குனு எனக்கு தோணும்.இதுதான் காதலாம் பைங்கிளினு நாயகிக்கு மட்டும் இல்ல,படிக்குற எல்லாருக்கும் காதல்னா எவ்ளோ அழுத்தமான ஆழமான அழகான விஷயம்னு அழகா பதிய வச்சிருப்பாங்க.

    மொத்தத்தில் காதலாம் பைங்கிளி அழகான பயனுள்ள நிறைவான காதல் பயணம்.அனைவரும் பயணித்து இன்புறுங்கள்.

    வெற்றி:

    ஏற்கனவே பல வகைமைகளில் வெற்றி அடைந்துவிட்ட தங்களின் எழுத்து,தேடல் 2018 இலும் வெற்றி பெறுவதோடு, தங்களின் எழுத்து இன்னும் நிறைய நிறைய மக்களை சென்றடைய வேண்டும் என்று மனமார இறைவனை பிரார்த்தித்து வாழ்த்துகிறேன்.

    நன்றிகள்: இக்கதையை தந்தமைக்கு ஸ்வீட்டிக்கும்,இக்கருத்து பகிர்வினை பொறுமையுடன் வாசித்த வாசக நண்பர்களுக்கும் மனம் கனிந்த நன்றிகள்…
    – சிவரஞ்சனி

  14. காதலாம் பைங்கிளி
    அன்னா ஸ்வீட்ட்டி
    இவங்க கதையை படிக்கிறதுன்னா நாம் முழு கவனமும் குடுத்து படிக்கணும், இல்லேன்னா மண்டை குழம்பி அலைய வேண்டியதை ஆகிடும்! எனக்கு நிறைய பெயர் குழப்பம் வரும், கதையின் ஓட்டத்துலயே நம்மை கட்டி இழுத்துட்டு போயிடுவாங்க!சரியாய் படிக்காம கடந்து போயிட்டோம்னா கதையே புரியாது!அட்வென்ச்சர் ரொம்ப பிடிக்கும் போலிருக்கு!கடத்தல் சேசிங் எல்லாம் அசால்ட்டா எழுதுவாங்க.ரொம்ப ஸ்டைலா இருக்கும் இவங்க கதைகள்!
    இந்த கதை ஜாதி பத்தி ஒரு புதிய கோணத்தில் சொல்லியிருக்காங்க
    நரிக்குறவர் இனத்தில் ஒரு ஹீரோ.அதுவும் அந்த பெயர் வைத்திருக்கும் செய்தி!நிறைய நல்ல குணங்கள் கொண்ட பாத்திரங்களை படைப்பதில் இவருக்கு நிகர் இவரே…கதையில் வரும் வில்லி கூட கொஞ்சம் நல்லவளா இருப்பாள்!!

    சிறந்த குடும்ப அமைப்புடன் கூடிய கதா பாத்திரங்கள்தான் கதையில் நாம் காணலாம்.பொத்தி பொத்தி பெண்களை பாதுகாப்பதே நம் நிறைய காணலாம்.அதுவும் காதலன் நிறைய கேர் எடுப்பது நம்மை ஒரு இனிய மனநிலைக்கு கொண்டு செல்லும். விசாகன் வாணி ஜோடி நம்மை அப்படி ஒரு மன நிலைக்குத்தான் கொண்டு சென்றது, பின் அந்த பிரிவும் சம்பவங்களும் நம்மை குழப்பி அடித்தாலும் பின் விளக்கங்கள் அருமை. குடி பத்தி இவ்வளவு அருமையான விளக்கம்!!நல்ல கொளகைகளை அப்படியே கதையுடன் செலுத்தும் பாணி அருமை!!கிராம பஞ்சாயத்து நாம் அறிந்ததே, அதை கண்டு மிரண்டு வாணி ஓடுவதும் பொறுமையாக எடுத்து சொல்லி விசாகன் அவளிடம் சேர்வதும் கவிதை!! அனால் அந்த ஜாதி கொடுமை…நாம் தினம் காணும் நிஜம்தான்!!எனக்கு விசாகன் இன்னுமின்னும் பேசியிருக்கலாம் என தோன்றியது..அந்த அளவு வாணி துன்பம் அடைந்து இருந்தாள்..வாணியின் அப்பாவிடம் அவள் வாங்கி இருந்த அடிகளும் , பின் இவனையே தஞ்சம் அடைந்ததும் இவனும் குடும்பத்துக்காக அவளை பலி கொடுக்க போறானோ என அவள் பயப்படுவதும் அனால் அதை எல்லாவற்றையும் விசாகன் அமைதியாக கடந்து இருந்தான்..இவங்க கதையில் வரும் ஹீரோக்கள் எல்லோருமே இப்படி பெண்களின் மனதை புரிந்தவர்களாவும் அவர்களை மரியாதையாக நடத்துவதும் அருமை!

    அடுத்த ஜோடி மிரட்டும் கிருபாவும் ..துள்ளுமிளமையுடன் இருவரும் !!…அவன் இனத்துக்காக அவனை வெறுத்து விடுவாளோ என நாம் நினைத்து இருந்தேன்..ஒரு இனிமையான காதலுடன் அவர்கள் ஊடலும் கூடலும் அட்டகாசம்!! கடத்தல் என்றால் ரொம்ப பிடிக்குமே இவங்களுக்கு!!அவளை காப்பாற்றுவதும் பாதுகாப்பதும் மீரட் அசத்திட்டான்!!நிலவறை எல்லாம் இன்னும் இருக்கா?? படிக்கும்போதே செமையா இருக்கே!!

    கடைசியாக தமிழ் நாட்டில் இருக்கும் ஜாதிய முன்னேற்றம் பற்றி அழகாக சொல்லியிருக்காங்க.வடமாநிலங்களை விட நாம் எவ்வளவோ முன்னேறியிருக்கோம்.இன்னும் சோமாலியா எத்தியோப்பிய பற்றியும் நாம் அறிந்தவைதான்…பெண்கள் படும் பாடு.எல்லாவற்றையும் கதையின் ஊடே அழகா புகுத்தி இருக்காங்க..என்னை கவர்ந்தது..ஒழுக்கமான கதா பாத்திரங்களும்..கண்ணியமான வசனங்களும் ரசிக்கும்படியான காதலுடன் கூடிய இனிமையான கதை..வாழ்த்துக்கள் ஸ்வீட்டி
    – செல்வராணி

  15. காதலாம் பைங்கிளி

    இதென்ன சின்ன மீன் பெரிய மீன் விளையாட்டு? இப்படி ஒரு கேள்வியுடன் ஆரம்பித்த கதை காதலாம் பைங்கிளி.

    பறவை சிறகை விரித்து பறக்கும்போதுதான் அதன் பருமன் தெரியும். அப்படிதான் இந்த கதையும். கொஞ்சம் கொஞ்சமா விரிந்து உயர்ந்து இதோ இப்பொழுது உச்சத்தை தொட்டிருக்கிறது . கதை நகர நகரத்தான் இதில் ஆசிரியர் உள்ளடக்கியுள்ள கருத்துகளும் விடயங்களும் விரிந்தன.

    பைங்கிளியின் வண்ணங்களை போல அதிக விடயங்களை தாங்கியதாக இந்த கதை உள்ளது.

    காதல் கொண்ட பைங்கிளியின் வண்ணங்கள் என்று பார்த்தாலும் வாணி -விசாகன் வாழ்வு எல்லா வண்ணங்களையும் தாங்கிக் கொண்டு பறக்கிறது.

    மீராட் -கிருபா காதலில் மகிழ்வின் வண்ணங்கள் அதிகம்.

    ஜாதீயம், மது, நரிக்குறவர் சமூகம், சுயநலம், சூழ்ச்சி, தாய் -மகன் உறவு நிலை ,சமூக ஏற்றதாழ்வுகள் ,சோதிடம் ,தந்தை மகள் – மகன் உறவுகள் அவர்களுக்கிடையேயான புரிதல் மற்றும் புரிதல் இன்மை ,காதல்….

    பெயர் காதலாம் பைங்கிளியாக இருந்தாலும் காதலை மட்டுமே வைத்து கதையை நகர்த்தாமல் காதலை கருவியாய் கொண்டு சமூகத்தில் காணப்படும் ஏனைய விடயங்களையும் சேர்த்து நகர்த்தியிருக்கிறார் ஆசிரியர்.

    காதல் தளத்தில்தான் நிறைய விடயங்களை கொண்டுவரலாம். ஆண், பெண் ஈர்ப்பை மட்டும் பாடுபொருளாக கூறாமல் அதை கருவாக்கி கரு உருவாக மாறும்போது அது சந்திக்கும் சிக்கல்கள் அதை கடந்து செல்ல எடுக்கும் முயற்சிகள் தடையாக என்னவெல்லாம் வருகிறது என்பது கதை.

    காதல் கரு உருவாக ஆகியதா இல்லை என்ன நடந்தது என்பது கதை முடிவு.

    கதை எவ்வளவு பெருசோ அதைவிட அதில் சொல்லப்பட்ட விடயங்களின் ஆழமும் தாக்கமும் பெரியவை. சில உண்மைகள் அதிர்ச்சியையும், ஆத்திரத்தையும் ஒரேசேர வாசகர் மனங்களில் புதைத்துவிட்டு செல்வதை உணரலாம்.

    குறிப்பாக வடக்கே சொல்லப்பட்ட சில விசித்திரமான பஞ்சாயத்து முடிவுகள். தொழிநுட்ப உலகில் இருந்து கொண்டுஅதை அனுபவத்துக்கொண்டே இன்னமும் மடத்தனமான முடிவுகளை திணிப்பது எரிச்சலை தந்துவிடுகிறது.

    புதுமைகளை ஏற்றுக் கொள்ள எத்தனிக்கும் நாம் நம் முடிவுகளிலும் புதுமையை புகுத்தாவிடினும் வன்மையை புகுத்தாமல் இருக்க வேண்டும்.

    சில நாட்களுக்கு முன் பஞ்சாப் மாநிலத்தின் விசித்திரமான விழா ஒன்றை பற்றி அறிய முற்பட்டது. பிறந்து சில மாதங்களே ஆன பச்சிளங் குழந்தைகளை பல அடி உயரத்திலிருந்து ஒருவர் கீழே போட கீழே தயாராக நிற்பவர்கள் குழந்தையை ஏந்திக் கொள்வார்கள். இது குழந்தை இறப்புவீதத்தை குறைக்கும் என்பது அவர்களின் மூட நம்பிக்கை.

    இங்கு குழந்தைகளுக்கு தங்களுக்கு செய்யப்படும் இந்த அநீதியை மறுக்க முடியாது. அதேபோல்தான் பெண்களும். தங்களுக்கு நடக்கும் அநீதிகளை எதிர்க்க முடியாது. எதிர்த்தாலும் பயன் இராது என்பது ஒன்று. ஆனால் அவர்களுக்கு அதற்கு உரிமை இல்லை என்பதான் உண்மை.

    உண்மைக்கு மாற்று உடையே இல்லை. அது நிர்வாணமானது. எந்த சமரசமும் செய்யாமல் சில உண்மைகளை அப்படியே கதைக்குள் உட்செலுத்தும்போதுதான் அதன் வீரியம் புலனாகும். அப்படி சில உண்மைகள் இந்த கதையின் தூண்கள்.

    கதை என்ன எனத் தேடாமல் கதைக்கான காரணிகளை அலசும்போதுதான் இந்த கதைக்கான தளத்தை ஆசிரியர் தேர்வு செய்ததன் காரணம் வெற்றியளிக்கும்.

    ஜாதீயம் அது அமர்த்தலான நெருப்புக் குழம்பு. அந்த குழம்பில் சூழ்ச்சியால் தள்ளிவிடப்பட்டு பொசுங்க இருந்தவளை காதல் கரைசேர்க்கிறது.

    சற்றும் எதிர்பார்க்காத ஒரு பின்னணி நாயகனுக்கு. அந்த பின்னணி விபரிப்பின்போதுதான் அதுசார்ந்த பிரச்சனைகளை நாம் காணலாம். இந்த பகுதி எனக்கு புதிது. அந்த செய்திகளை நான் அறிந்து கொண்டது இங்குதான்.

    காவலைத் தாண்டி வீட்டுக்குள் நுழையும் நாயகன். பொய் சொல்மாட்டேன் எனக்கூறிக்கொண்டே உண்மையை மறைக்கிறான்.

    சாகசங்களின் காதலி நாயகி அவளின் சாகசக் காதல் நாயகனுக்கு தன் காரிய சித்திக்கு எப்படி கைகொடுத்தது நாயகன் நாயகி நடுவில் என்ன உறவு நிலை என்பதெல்லாம் முடிவுவரையான பயணத்தில் தெரிந்துகொள்ளலாம்.

    நாயகன் என்பதை முன்னிறுத்திக்கொண்டு எல்லாவற்றிற்கும் தானே முன்னிற்காமல் எல்லாவற்றிலும் அவன் முதன்மையை மாத்திரம் முன்னிறுத்தாமல் நாயகிக்கும் நாயகன் அம்மாவிற்கும் தேவையான இடங்களில் முன்னுரிமை வழங்கியது சிறப்பு.

    தெளிவாக உடனடியாக முடிவெடுக்க முடியாத சூழ்நிலைகளை மது உருவாக்கும். மது அருந்தினால் மட்டும்தான் போதை தரும். ஜாதீ என்பதும் ஒருவகை போதைதான். சக மனிதனை மனிதாக மதிக்க முடியாதா பெற்ற பிள்ளைகளின் விருப்பத்தைக்கூட ஏற்றுக்கொள்ள முடியாத படி சூழ்நிலைகள் ஏற்பட்டால் அந்த போதை சரியானதை செய்ய விடாது.

    மது எத்தனை எத்தனை கொடியதோ அதற்கு சற்றும் குறையாதது ஜாதீயத்தின் வெறி. மதுவும் ஜாதியும் ஒரு புள்ளியில் இணையும்போது அதன் சாதனைகள் சிந்தனையை சகதியில் தள்ளி வாழ்வையே திசைமாற்றிவிடும்.

    தன் பிள்ளைகளின் விருப்பை ஏற்றுக்கொள்ளக்கூடாது என்பது அல்ல எந்த பெற்றவர்களின் எண்ணமும். ஜாதி வெறியில் ஊறிப்போன தன் உறவுகளின் முன்னிலையில் நானும் உங்களைப்போல ஜாதி பிடித்தவன்தான் என்ற மரியாதையை நிலை நாட்டிக்கொள்ளவதற்காகவே பாதி பெற்றோர் தவறான முடுவுகளை எடுக்கின்றனர்.

    ஜாதிக்கு அவர்களை பிடித்ததோ இல்லை ஜாதியை அவர்களுக்கு பிடித்ததால் எப்படியோ முடிவில் ஏமாற்றமன்ற இரும்புச் சங்கிலி வாழ்முழுவதும் இறுக்கி பிடித்தபடி நிற்பது ஆசை கொண்ட உள்ளங்களை.

    இந்த சங்கிலிக்குள் சிக்கியும் சிக்காமலுமாக ஒருவித போராட்டத்தை அனுபவித்து மீளும் சூழ்நிலை வாணி -விசாகனுக்கு ஏற்படுகிறது.

    சிறிய வயதில் யானையை சங்கிலியில் கட்டிப்போட்டால் அதனால் அதை அறுக்க முடியாது. யானை வளர்ந்த பின்னும் சங்கிலியின் அளவு மாறுவதில்லை. ஆனால் யானை அதை அறுக்க முயற்சி செய்யாதாம். காரணம் தன்னால் அறுக்க முடியாது என்ற அதன் எண்ணம்.

    அப்படிதான் ஜாதியும். முந்திய தலைமுறைகளை இதிலிருந்து மாற்றுவதென்பது அத்தனை எளிதல்ல. ஆனால் பிள்ளைகளின் விருப்பு வேற்று மதத்திலோ அல்லது ஜாதியிலோ ஏற்படும்போது நல்லது கெட்டதை மட்டும் பார்த்து மாற்றத்தை ஏற்படுத்த முயற்சி செய்ய வேண்டும். ஒரு மாற்றம் ஒவ்வாரு மாற்றமாய் விதை தூவும்

    அண்ணி அடுத்த அம்மாவிற்கு சமம். அம்மாவும் அண்ணியும் எப்படி இருக்ககூடாதோ அப்படி நடந்துகொள்ள விசாகன் வாணி பிரிவுக்கு வழி செய்தது.

    தேவையற்ற காழ்ப்புணர்ச்சிகளும் பொறாமைகளும் மாயாவை கவர அவள் வாணியை துரத்த விசாகன் கையாளாகாமல் நிற்கவேண்டிய நிலை.
    விசாகன் தேட வாணி ஓட முடிவில் என்ன ஆனது என்பது சுபம்போடும்போது தெரிகிறது.

    மீராட் -கிருபா வாணி விசாகன் வாழ்வில் நுழைய என்ன காரணம் எப்படி என்பதெல்லாம் சுவாரிசியம் நிறைந்த திருப்பங்கள்.

    மீராட் – கிருபா

    காற்று புகாத இடத்திலும் காதல் புகுந்துவிடுமாம். காற்று கூட அனுமதி பெற்றுக்கொண்டு நுழையவேண்டியளவில் பாதுகாப்புள்ள வீட்டில் நாயகன் திட்டம்போட்டு தந்திரத்தால் நுழைகிறான். அவன் தந்திரம் ஏன், எதற்கு என்பதெல்லாம் கதைபோக்கில் தெரிந்து கொள்ளலாம்.

    மீராட் ஒரு உயர் மட்ட குடும்பத்தை சேர்ந்த ஆண்மகன். இதுதான் அவனுக்கான அடையாளம். தன் மகனின் அடையாளத்தை மாற்றி அவனை சமூகத்தில் இந்த அடையாளத்திற்கு கொண்டுவர அவன் தாய் செய்யும் செயல்களும் அவன் மம்மியின் பங்கும் அதில் மாறும் அவன் வாழ்வும் ஒரு குறிப்பிட்ட சமூகத்தின் ஒருவிதமான மனபோக்கை காட்டுகிறது .

    மீராட்டுக்காக சொல்லப்படும் பின்னணி நரிக்குறவர் சமூகம். ஒதுக்கப்படும் சமூகத்திலிருந்து வந்தவன். அந்தசமூகத்தின் நிலை அவர்களின் முடிவுகள் கல்வி நிலை பற்றியெல்லாம் இதில் சொல்லப்பட்டிருக்கும்.

    கல்வி இன, சமூக பிரிவினைகளுக்கு உட்பட்டதாய் இருக்கக்கூடாது. அப்படி பேதங்கள் காட்டப்படும் கல்வி எப்படி நல்ல கல்வியாகும்?

    எங்கு தன்னால் தன் மகன் வாழ்வு பறிக்கப்பட்டுவிடுமோ என்ற அச்சம் அவன் தாயை அவனிடமிருந்து பிரித்துவைக்கிறது.

    அம்மாவின் தியாகத்தில் வளம் பெற்றவன் மீராட் என்றால் அம்மாவின் ஒதுக்குதலால் எப்படி எப்படியோ வளர்ந்து காதலால் கரைசேர்கிறவன் விசாகன்.

    தன்னால் தன் அம்மாவை மகிழ்ச்சிப்படுத்த முடியவில்லை என்ற காரணத்திற்காகவே மற்றவர்கள் மன வேதனைகளை குறைகளை மிக முயன்று தீர்த்து வைக்குறான்.

    மினி மீதான கிருபாவின் சின்ன ஏக்கத்தை கூட அலட்சியம் செய்யாமல் அதை அகற்றமுயல்கிறான்.

    சாரா மம்மீமீ

    நாயகனின் தாய். வழக்கமான அம்மாக்களில் இருந்து மாறுபட்ட கதாபாத்திரம். திருமணத்திற்கு முன்புவரை மகனின் விடயங்களில் மூக்கு, கை கால் எல்லாவற்றையும் நுழைப்பேன் என கூறிக்கொண்டே இவர் ஆற்றும் செயல்கள் கதையின் அழகியகளுக்கு துணை.

    நாயகிக்கு நிகரான துடிப்பான கதாபாத்திரம் . நாயகனும் நாயகியும் துடிப்புள்ளவர்களாய் இருப்பது வழக்கமான ஒன்று. இங்கு நாயகனின் தாய்க்கு இப்படி ஒரு பாத்திர வடிவமைப்பு.

    நாயகன் மீராட்டின் வாழ்வில் மிக முக்கிய திருப்பமே இவரது கைகளால் போடப்படும் பிள்ளையார் சுழிதான்.

    வாணி -விசாகன்

    அப்பாவின் மீதான பாசத்தால் தாய்மாமன்களுடனான சொந்தம் கொண்டாடலைக்கூட தள்ளி வைத்தவள். ஆனால் அதே அப்பாவின் வெறித்தனமான ஜாதி கொள்கைக்கு வாணி கொடுக்கும் அடி தேவையானதுதான்.

    கண்ணால் கண்டதை அப்படியே நம்பி மகளை சந்தேகம் என்னும் தீயில் தள்ளும் கருணாகரன். அந்த தீயிலேயே தீக்குளித்து காதலின் கரம் சேர்கிறாள் வாணி.

    அம்மா, அப்பா, சகோதரர்கள் என எல்லோரும் இருந்தாலும் தனியே வாழவேண்டிய நிர்ப்பந்தம் விசாகனுக்கு.

    வாணி அவன் வாழ்வில் நுழைய முதலில் மது வெளியேறுகிறது . அதன் பின் அவன் முதல் காதல்.

    வாணியின் வருகையால் அவன் வாழ்வு வெளிச்சம் பெறுகிறது. ஆனால் ஒதுங்கியிருந்த சொந்தம் நெருங்கிவர அவனுள் கலந்துவிட்ட சொந்தம் ஒதுக்கப்படுகிறது.

    இறுதியில் யாருக்கு என்ன ஆனது யார் யாருடன் இணைந்தார்கள் என்பது முடிவு.

    -நித்யா பத்மநாதன்

  16. காதலாம் பைங்கிளி…

    உங்க ஒவ்வொரு கதையும் பெஸ்டாவே இருக்குக்கா…எது பெஸ்ட்டுன்னே எனக்கு சொல்ல வரல…..அவ்வளவு அழகான்னா வார்த்தை கோர்வைகள்…விடுதலை பெருவெளி….மொட்டவிழ்க்கும் பெண்மை….சொல்லன்னும்னா எல்லாமே சொல்ல்லாம்கா..

    விசாகன் என்னோட பேவரிட் ஹீரோவாகிட்டாரு…எவ்வளவு பிடிக்கும்னு சொல்லனுமா என்ன….? அதுவும் எனக்குப் பிடிச்ச டயலாக் எது தெரியுமா..? அவர் சொல்வாரே சாக சொல்றவனை நம்புற அளவுக்கு என் பொண்டாட்டி முட்டாளா இருக்க வேண்டாம்னு சொல்வார்ல..இதான் அர்த்தம்,சரியான லைன் தெரில…அது எனக்கு அவ்வளவு பிடிச்சது…

    என்னை ரொம்ப கண்கலங்க கனக்க வைச்ச கதை இது…கருணாகரன் வாணி பாண்ட் எனக்கு அவ்வளவு பிடிச்சது…ஆனா ஜாதியக் காரணத்தால் அது உடைஞ்சதும் வாணி அளவுக்கு எனக்கும் வலிச்சது…எவ்வளவு நல்ல மனிதர்…அதுவும் அவருக்கே விசாகனை பிடிச்சும் கூட ,அவர் படிப்பறிவு கொண்ட மனிதரா இருந்தும் கூட அவர் சாதியைக் காரணம் காட்டியது அப்ப்ப்ப்ப்ப்ப்ப்ப்ப் உயிர் வாதனைக்கா……

    அதுவும் நீங்க கருத்து கந்தசாமி கருத்து சொல்லப்போறேன்னு சொல்லாம உங்களோட மோரல் வேல்யூஸை வலியுறுத்துற well principled and disciplined caring loving characters மூலமா ஆழமா கதையைப் பதிய வைக்கிறீங்க…

    வாணீயோட கொள்கை…விசாகனோட குணம்..மீரட்டின் நிலை..அதை கிருபா உணருமிடம்…இதே கதையில இரண்டு contrast ஆன விசயம்..அதாகப்பட்ட்து விசாகனை வேற ஜாதியென மருமகனாய் ஏற்காத கருணாகரம் ஒருபுறம்…தாழ்ந்த குடி என சொல்லப்படும் மீரட்டை சாராம்மா குடும்பம் மிக இயல்பாக ஏற்றுக்கொள்வது அதுவும் மகனாக…சோ முரண்..அழகான முரண்..

    இப்படியும் மனிதர்கள் உண்டு…என அழகா பேலன்ஸ்டா சொல்லிட்டீங்க..ஒவ்வொரு வரியும் கவிதை போல தான்…கவிதையேதான்..!!சிலர் எழுதுவது அழகு…ரசனை….அப்படி வகை..ஆனால் எனக்கு ஒன்னு தோணும்….நீங்களும் மோனிஷாக்காவும் எழுத வரலன்னா நிச்சயமா அது தமிழுக்கே இழப்பு தான்..(ஓவர் புகழ்ச்சி எல்லாம் இல்ல… you both deserve this and this is out of pure appreciation for u) நிஜமா எனக்கு அப்படி தான் தோணும்…

    மீரட் அவங்க குடும்பம்…கிருபாவோட குறும்பு வால்தனம்….அவங்க ப்ளானிங்க…ப்ராங்க்ஸ்….என எல்லாமே என் மனவயலில் நெற்கதிராய் தலையசைக்கிறது.நிஜமா மறக்கவே முடியாத கதை இது….அதனதன் இதயம் வாயில் இயல்பு வழியில் அருமையாக சொல்லிட்டீங்க….ஆல் தி பெஸ்ட்க்கா….போட்டியில வெற்றிப்பெற…

    my prayers and best wishes to you….!

    வாணி விஷாகனோட கான்வோ….அவங்க கெமிஸ்ட்ரி….அவங்க புரிதல்….அதுவும் விசுக்கு வாணி மேல லவ் இல்லன்னு தெரிஞ்ச்சப்ப அய்யகோ என் அடினெஞ்சில் அழுத்த வலிகள்…ஆனாலும் விசாகன் பழகின வித்த்தில் வாணிய உயர்வா நினைசானே ஒழிய உரிமையா நினைக்கலன்னு நீங்க புரிய்வைச்சது அவ்வளவு சூப்பர்…

    வாணி அந்த சிட்டிவேஷன்..அதாவது ராஜஸ்தானில் நடந்ததை ஹாண்டில் செய்த வித்த்தை கொஞ்சம் கூட குற்றம் கூறா வகையில் ஏற்கும் விசு அப்ப்ப்ப்ப்ப்பா..பின்னீட்டீங்க்க

    ப்ரியங்களோடு

    உங்கள் பவிப்பொண்ணு..

  17. காதலாம் பைங்கிளி

    ஆரம்பிக்கும் போது ஒரு டீசர் போட்டாங்க பாருங்க… எக்சாம்க்கு படிக்கும் போது கூட அவ்வளவு இந்த லிட்டில் ப்ரெய்னை யூஸ் பண்ணல. அப்படி டீசர்க்கே எங்களை தலைய சுத்தவிட்ட கதை.

    ஒரு வார்த்தையில் மண்டைகாய வைப்பது எப்படி? – contact the great Anna sweety😜😋.

    முதலில் இந்த மீனை பிடிக்கனும்…. இப்படி தான் ஆரம்பிச்சாங்க… கடைசியாக சொன்னவனையே Fish fry செய்த கதை இது 🤪😁😁😁

    இந்த கதையில் என்ன இருக்கு என்று கேட்டால் எல்லாம் இருக்கு… yes, ரொமான்ஸ், காமடி, எமோஷன், மாஃஸ் பைட்டிங், சோசியல் காஸ் – yes of course டிசைன் டிசைனா இவங்களால மட்டும்தான் யோசிக்க முடியும். And அழகா க்யூட்டா நச்சுன்னு எழுத முடியும்.

    முதல் 5 அப்டேட் நாங்க மீரட் & கிருபாதான் ஹீரோ & ஹீரோயின் என்று மைன்ட் ஃபிக்ஃஸாகி ஒரு கற்பனை நாயகர்களை உருவாக்கி… (இந்த அம்மணி எந்த ஹீரோ ஹீரோயின் போட்டோவையும் முழுசா போட மாட்டாங்களே)..

    இந்த சுடுபட்ட வெண்ணை உருகுற மாதிரி நாம உருகும் போது( அடித்து கலக்கிய ஆம்லேட் மாதிரி நம்ம முழிக்கவிட்டு சடன் ப்ரேக் போட்டு அப்படியே நம்மள பறக்கவிட்ட மாதிரி ஒரு என்ட்ரி.

    யாருடா இது என்று பார்த்தா (ஸ்டோரிக்குள்ள ஸ்டோரி)

    அப்புறம் என்ன நாம ஹீரோவையே மறந்துட்டு, ஹீரோயினை மறந்துட்டு இந்த விசாகன் & வாணி பின்னாடி போயாச்சு.

    விசாகன் பதிலா வசீகரன்னு வச்சு இருக்கலாம். ஏனென்றால் என்னை வசியம் செய்த கேரக்டர்…

    நாம விசாகனை படிக்கும் போது எங்க பேஜ் பார்க்கிறோம்?… சடனா எபிலாக் போட்டாங்க பாருங்க, அப்படியே காத்து போன பலூன் மாதிரி ஆகிவிட்டேன்….😥😭

    (நாம எங்க பேஜசை பார்த்தோம், பட்டிக்காட்டான் மாதிரி இந்த விஷிப் பையனைதானே பார்த்தோம். நாம் அவனைப் பார்த்தால் அவன் வாணிப் பொண்ண பார்த்தான்)

    இதுல இவங்க என்னமோ சஃஸ்பென்ஃஸ் இருக்கு அக்கான்ற மாதிரி எப்ப பார்த்தாலும் என்டிங்க்ல பெரிய கொக்கி போட்டுட்டு போய்டுவாங்க…

    நாம இங்க என்ன ஆச்சோ ஏது ஆச்சோ என்று இருப்போம்.

    கூடவே அம்மணி மேல 😡 இருப்பேன்.

    பெஃஸ்ட் பார்ட் என்ன தெரியுமா?

    இவங்க அப்டேட் போட்ட உடனே நம்ம கோவம் மானம் எல்லாம் மார்ச் பாஃஸ்ட் போட்டு போய்டும்…😏😏

    பெரிய விஷயத்தை ரொம்ப சிம்பிளா நச்சுன்னு சொல்வாங்க. அப்படி kp யில் என்னை ரொம்ப இம்ப்ரெஃஸ் பண்ணின வரி

    “உன்னால் எதை வெளிய சொல்ல முடியுமோ அதை மட்டும் அவன்ட்ட பேசு….”- நான் காலி இந்த மொத்த கதைக்கும் இந்த ஒத்த வரி போதும் எனக்கு.

    காமடி இவங்க சென்ஃஸ் ஆஃப் ஹ்யூமர் சான்ஃஸ்லெஸ்… சில இடத்தில் நான் ரொம்ப சிரிச்சு இருக்கேன். ஒரு எக்சாம்பிள்

    ‘பார்த்து பார்த்து பக்குவமா இவ பல்ப் வாங்கி இருக்கான்னா, அவன் தேடி தேடி சின்னதா கூட குறை வைக்காம EB bill கட்டி இருக்கான்…….😂😂🤣🤣’

    மாஃஸ் அப்படி என்றால் அது விசாகன் என்ட்ரி சீன்.சும்மா சார் ஃஸ்விங் பண்ணி நச்சுன்னு ஒரு குத்து அந்த பன்னாட நாயே ஃபர்ஸ்ட் டயலாக்…😘😘😘😤😤😤

    boy next door.. எந்த வித மாஃஸ்க்கும் இல்லாம வெரி நேச்சுரல்

    rough n tough also loveable character….

    விசாகன் மேல கோபம் வந்த இடம் அந்த லூசு பய அந்த வில்லி ரவளிய லவ் பண்றேன்னு சொல்லும் போது… அப்படியே நடு மண்டையில் ட்ரம் ப்ளே பண்ணனும் போல இருந்தது…

    வாணி ரொம்ப கம்பீரமான தைரியமான பொண்ணு என்றால் இப்படி இருக்கணும் என்று இம்ப்ரெஸ் ஆக்குற கேரக்ட்டர்.

    வாணி விசாகன் after marriage scenes எல்லாம் super o super….

    கிருபா என் செல்லக் குட்டிய எப்படி மறப்பேன். bubbly at the same time பொறுப்பான, அன்பான, கேரக்டர். adventurous girl…

    இப்படி எல்லாவிதமான பரிணாமத்தோடு ஒரு க்யூட் & லவ்வபிள் கேரக்டர்….😘😘

    சோசியல் காஸ்: நிறைய இருக்கு. நரிக் குறவர் கம்யூனிடி, கேஃஸ்ட் சிஃஸ்டம், சைல்ட் அப்யூஸ், female genital mutilation….

    ஹானஸ்ட்லி இந்த கதை படிக்கும் போது எனக்கு உருத்தாலாக இருந்தது எனக்கு அவ்வளவு பரந்த மனது இல்லை என்று….அவ்வளவு பக்குவம் இல்லை, முதிர்ச்சி இல்லை என்று.

    நான் கருணாகரனை கடந்து வந்து இருக்கிறேன் அதனால் அவரோட உணர்வை என்னால புரிஞ்சுக்க முடிந்தது… இந்த சமுதாயத்தில் கட்டாயம் மாற வேண்டிய ஒன்று.. நீங்க 15 வருஷங்கள் முன்ன ஏன் எழுதல இந்த கதையை என்று ஃபீல் ஆச்சு….

    மொத்தத்தில் என் சித்தத்தை தெளிய வைத்த கதை. விசாகன் எப்பவும் என் மனபெட்டகத்தில் பொக்கிஷமாய் இருப்பான்…

    தேடல் நீங்க வெற்றி பெற வாழ்த்துக்கள் சொல்ல மாட்டேன், ஏன் என்றால் நீங்க ஏற்கனவே ஜெயிச்சுட்டீங்க..💐💐💐💐💐💐💐👏👏👏👏

    – ப்ரேம லதா

  18. காதலாம் பைங்கிளி –

    ஒவ்வொரு அத்தியாயத்திற்கும் அங்கே அங்கே கமெண்ட் செய்தாலும், மொத்த கதைக்கான கருத்துக்கள் இங்கே கொடுக்கிறேன் சிஸ்.

    அசத்தலான ஆரம்பம். கிருபாவோட அதிரடியில் ஆரம்பித்த கதை, அவளோடு அதே அதிரடியில் கை கோர்க்கும் மீரட்.

    மீரட் கிருபாவை சந்திக்க காரணம் என்ன என்று சொல்லும்போது தெரிய வரும் விசாகன், வாணி பிளாஷ் பாக்.

    ஆனால் அவர்களுக்காக சந்தித்த பொழுதுகளில் மீரட் , கிருபா இருவருக்குள்ளும் நேசம் மலர என்று பயணிக்கிறது.

    மீரட் , கிருபா – இருவரின் அதிரடி நடவடிக்கைகளில் நாற்காலி நுனிக்கு வரவழைத்த இடங்கள் வாவ்.. என்று சொல்ல வைத்தது.

    மீரட்டின் பிறப்பை பற்றி தெரிந்து கொண்ட கிருபா அந்த விஷயத்தை ஏற்றுக் கொண்ட விதம் அருமை.

    விசாகன் , வாணி பகுதியில் இன்றைக்கு சமுதாயத்தின் மிக பெரிய பிரச்சினையான ஜாதி அபிமானத்தால் ஏற்படும் கொடுமைகளை சுட்டிக் காட்டி இருந்ததற்கு பாராட்டுக்கள்.

    விசாகன் குடும்பத்தில் அவனுக்கு மறுக்கப்பட்ட அன்பு, வாணி மூலமாக கிடைக்கப் பெற, அந்த அன்புக்கு அவன் உண்மையாக நடந்து கொள்கிறான்.

    வாணிக்கு அவன் மீது உண்டாகும் அன்பு, அவன் ரவளியை விரும்புகிறான் என்று தெரிந்து அவளுக்குள் நடக்கும் உணர்வு போராட்டங்கள் விவரித்த விதம் அருமை.

    வாணியின் குடும்ப பின்னணி நிதர்சனமான உண்மை நிலையை விவரிக்கிறது.

    ரவளியின் சுயநலம் பற்றி தெரிந்து வாணியால் அதை வெளிபடுத்த முடியாத நிலையை, விசாகன் புரிந்து கொண்டதாக காட்டியது நன்றாக இருந்தது.

    வாணி, விசாகன் இருவரும் திருமணம் செய்தாலும், வாணியின் மனதில் ஏற்பட்ட தடுமாற்றங்கள், அதனால் ஏற்பட்ட பிரிவுகள் இந்த இடங்களில் எல்லாம் வாணியின் நிலையை காட்ட எடுத்துக் கொண்ட வார்த்தை பிரயோகங்கள் மார்வலஸ்.

    வாணியின் பிரிவிற்கு தான்தான் காரணம் என்று உணர்ந்த விசாகன் அவளின் உணர்வுகளை புரிந்து , அவளை நேரடியாக அணுகாமல், கிருபா , மீரட் மூலம் அணுகி தன் நிலையை உணர்த்தியது சுபெர்ப்.

    ஜாதி கொடுமைகள், மதுவால் ஏற்படும் தீமைகள், பழங்குடி மக்களை பற்றிய விஷயங்கள், ஒவ்வொரு குடும்பத்தில் இருக்கும் பழக்கமான நடைமுறைகள், என்று நிறைய விஷயங்கள் தெரிந்து கொண்டதோடு இல்லாமல் சிந்திக்கவும் வைத்தது.

    மீரட், கிருபா பகுதியை பொறுத்தவரை காதல் மற்றும் கல்யாணத்தில் அவசரபடாது நன்றாக யோசித்தும், ஒருவரை ஒருவர் புரிந்து கொள்வதுமே சிறந்த வாழ்க்கை அமைக்க உதவ முடியும் என்பதை காட்டியிருக்கிறீர்கள்.

    வாணிக்காக இருவரும் சந்தித்தாலும், அவர்களின் ஒவ்வொரு சந்திப்பிலும் அவர்களிடயே ஏற்படும் குழப்பங்கள், தடுமாற்றங்கள் என்று கதை நகர்வு நன்றாக இருந்தது.

    இந்த கதையில் உங்களின் வார்த்தை பிரயோகங்கள் அனைத்தும் அருமை. நிறைய வார்த்தைகள் புதிதாகவும், இனிமையாகவும் இருந்தது சிஸ். திருமணம் பற்றிய கருத்துக்கள் அனைத்தும் நன்றாக இருந்தது.

    மீரட், கிருபா , விசாகன், வாணி என்று இரு ஜோடிகளும் வெவ்வேறு விதமாக மனதை கவருகிறார்கள். கிருபா அம்மா , வாணியின் அப்பா இருவரும் கதையில் ஜோடிகளை தவிர கவனிக்க வைக்கிற பாத்திரமாக இருக்கிறார்கள்.

    மொத்தத்தில் காதலாம் பைங்கிளி சமூக சாடலும், காதலும் கலந்து நடை போட, போட்டியில் வெற்றி பந்தை கைப்பற்றும் என்று நம்பிக்கையோடு வாழ்த்துகிறேன்.

    _ Devi Srinivasan

Leave a Reply